Жаңаша курс. Қандай курс? Не туралы? Алғашқы «Бетпе-бет» кезеңінде сан түрлі сұрақтар қай мұғалімді болсын мазалағаны белгілі.  Осы жағдай мені де ойландырды.Бірақ бес жетілік оқу барысында курс мазмұнымен,мақсатымен білімді куратор арқасында жақсы таныстық деп айта аламын.Үш айлық курсты толық аяқтап,сертификат алғаннан кейін жүктелген жауапкершілік үлкен екенін сезіндім. Бірінші кезеңде 7 модульдік бағдарламаның заман талабына сай жаңа әдіс- тәсілдер арқылы оқу үрдісін өзгерту шарт екеніндігін түсіндім. 
      Теориялық білім алу барысында күнделікті неге? сұрағына жауап алу үшін көп ойландым, әріптестерімнен сұрадым, теорияны оқыдым, мұғалімді мұқият күнделікті сабақта тыңдадым. Мұғалімнің әрбір сабақта істеген іс әрекеттерін дәптеріме жазып отырдым. Әр сабақ күн сайын жаңарып, біліміміз кеңейе түсті, әр сәтті тиімді өткізе білдік. Осылай алғашқы кезең қалай өтіп кеткенін де байқамай қалдым.