Литературон-музыкалон равдыст

Ирон æвзаджы ахуыргæнæнгыл рæстæджы домæнтæм гæсгæ стыр хæстæ æвæрд ис, йæхæдæг сæ куы æмбара æмæ сæ йæ зæрдæмæ хæстæг куы иса, уæд. Уыдон та адæмæн, æхсæнадæн сæхицæй аразгæ сты. Æмæ сæ лæмбынæг куы нæ раиртасæм, нæ нысаны раззаг сæ куы нæ скæнæм сæры суангæй, уæд нæ фыдæбонæй разы нæ уыдзыстæм. Хъыгагæн, мах, ирæттæй зæгъын, не'взагыл куыд стырзæрдæ стæм, нæхицæй йæ куыд æддæсонд кæнæм, арæх æй хæзна хонгæйæ, фæлæ йын аргъ нæ кæнгæйæ, æвæццæгæн, ахæм адæмыхатт æндæр нæ разындзæн.