Сабақтың тақырыбы:Б. Соқпақбаев.  Етістіктің тұйық формасы.

 Сабақтың мақсаты: Білімділік: Өткен материалдарын  қайталай отырып, Етістіктің тұйық формасы мен Жалқы есімдер  еске алып, анықтап, оларды дұрыс қолдануға үйрету.  Дамытушылық:  сұрақ-жауап  бойынша еркін сөйлетіп, Етістіктің шақтарын қайталап, оларды айтқызып тіл дамыту,  ойлау қабілеттерін меңгеру.Тәрбиелік: Б. Соқпақбаев жөнінде мәтін арқылы адамгершілікке, сауаттыққа баулу.

Сабақтың мазмұны мен жүрісі.

1.Ұйымдастыру кезеңі: Оқушыларды түгендеу.  Оқушылардың сабаққа дайындығын тексеру.

Сабақтың тақырыбы  және мақсатымен таныстыру.

II. Үй тапсырманы тексеру.

Сөздік

басқарма — правление

арнаулы жүлде – специальный приз

адамгершілік мәселе — нравственные проблемы

суреттеледі - изображено

тіршілік-тыныс — житье-бытъе

жарық көрді — вышел в свет

нұсқа – вариант

шын – правда

сырт бейне – внешность

тәмпіш мұрын – курносый нос

шеке – лоб

тікенек – колючка

суреттеу – описывать

залал – вред

тап-тақыр – лысый

жас үрпақ - молодое поколение

1-тапсырма . Мәтінді оқып, түсінгендеріңді мазмұндап беріңдер

Жас ұрпақтың сүйікті жазушысы Бердібек Соқпақбаев 1924 жылы қазанның 15-інде Алматы облысының Нарынқол ауылында туған. Қазақ педагогикалық институтында, КСРО Жазушылар одағы жанындағы жоғары әдеби курста оқыған. «Жұлдыз», «Балдырған» журналдарында, «Қазақфильм» киностудиясында, Қазақстан Жазушылар одағы басқармасында жұмыс істеген.

Жазушының алғашқы туындысы «Он алты жасар чемпион» повесі 1951 жылы жарық көрді. Б.Соқпақбаевтың қаламынан жиырмадан астам кітап шыққан. Оның атын ерекше танытқан шығармасы «Менің атым Қожа» повесі болды, ол орыс, француз, украин, литва, латыш, молдаван тілдеріне аударылған. 1963 жылы «Қазақфильм» киностудиясында экрандалған. Осы көркем лента 1967 жылы Канндағы халықаралық кинофестивальда арнаулы жүлдені жеңіп алды.

Бердібек Соқпақбаев - «Балалық шаққа саяхат», «Қайдасың Гауһар?», «Бастан кешкен», «Өлгендер қайтып келмейді» атты повестер мен романдарды дүниеге әкелген жазушы.

Бердібек Соқпақбаев - талантты драматургтердің бірі. Оның пьесалары бойынша қойылған спектакльдер республиканың бірқатар театрларының репертуарында бар. Мысалы, «Бозтөбеде бір қыз бар», «Өлгендер қайтып келмейді», «Менің атым Қожа».

«Он алты жасар чемпион» повесі кейіннен өңделіп, «Жекпе-жек» деген атпен жаңа нұсқаға ие болды.

2-тапсырма. Мәтін бойынша әңгіме құрастыр.

1.Б. Соқпақаев деген кім?

2.Ол кай жылы, қай жерде туған?

4.     Оның қандай шығармалары бар?

5.     Балаларға арналған қандай шығармасын білесін?

 І деңгей. Кластер толтырындар.

Бердібек Соқпақбаев

3-тапсырма. Сөйлемдерді дұрыс құрастырындар, сұрақтар жасандар.

Талантты, Бердібек, драматургтердің, бір, Соқпақбаев.

1951 жылы, Жазушының, жарық, көрді,повесі, туындысы, «Он алты жасар чемпион», алғашқы.

шыққан, жиырмадан, қаламынан, Б.Соқпақбаевтың, кітап, астам.

4-тапсырма. Мәтіннен етістіктерден теріп жазып, талдау.

 5-тапсырма. Берілген екі жай сөйлемнен құрмалас сөйлем құрап жазындар.

Менің атым Қожа.Шын атым Қожаерген.

Қазақстанда белгілі жазушылар көп. Олардың көптеген шығармалары бар.

Мен Б.Соқпақаевтың шығармашылығымен таныстым. Оның шығармасы бойынша қойылған «Менің атым Қожа» атты фильмін көрдім.

Бекіту: Етістіктің неше шағы бар? Мысал арқылы дәлелдеу.

Бердібек Соқпақпаев туралы не білдің? Не біліп алдың? Не білгің келеді?

Бағалау:

Үйге тапсырма:

Бердібек Соқпақбаев туралы сұқбат құрастыру, жаттау.

Етістіктің тұйық формасы мен Жалқы есімдерді қайталау.