Мақсаты: Оқушыларды әдептілікке, адамгершілікке, жаман әдеттен  аулақ болуға үйрету. Адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту, тіл байлығын, таным білімділігін арттыру. Әдептілікке, сыпайылыққа тәрбиелеу.

            Көрнекілігі: мақал-мәтелдер, нақыл сөздер.

            Мұғалім: Оқушылар бүгінгі тәрбие сағатымыздың тақырыбы «Ұл ұятымен, қыз қылығымен ардақты» деп аталады. Ортаға біздің қыздарымызды шақырып екі топқа бөлейік. Бүгін 6 «ә» сынып қыз балалар арасында білім өнер сайысы өткелі тұр. Қыз өсіру аяулы аналарымыз бен асыл әжелерімізге үлкен сын болған. Қыз баланы тәрбиелейтін адамның өзі де, айналасы да тәрбиелі болуы керек. Оның жүріс- тұрысы, сөйлеу мәнері, әдептілігі бәрі- бәрі, біріншіден, қоршаған ортаға қарап қалыптасады. Халқымыз «Қыз өссе елдің көркі, гүл өссе жердің көркі» деп осындай тәрбиелі қыздарын бетке ұстап, келер ұрпаққа  үлгі еткен.

Бүгінгі біздің қатысушыларымызды ортаға шақырайық. Ал енді әділқазыларымызбен танысып өтейік:

1. Али

2. Ғабиден

3. Жандос

4. Алтынбек

            І бөлім. «Таныстыру» Әр топ өздерінің топ басшысын таңдап, топқа атау беріп таныстырады.