(2 нче класста татар теле дәресе)

Максат:

 1) Я хәрефе белән белдергән авазын дөрес әйтеп сөйләшә һәм укый белү;     орфографик яктан дөрес язу күнекмәләрен формалаштыру. 

2) Сүзләргә фонетик анализ ясау күнекмәләрен ныгыту, уйлау сәләтен үстерү.

3) Танып-белү активлыкларын, бәйләнешле сөйләм телен үстерү өстендә эшләү.

Дәрес тибы: яңа теманы өйрәнү дәресе.

Метод: эзләнү-тикшеренү методы.

Җиһазлау: компьютер, проектор, А.Х.Нуриева дәреслеге, таблица “Я хәрефе”, эш дәфтәрләре.

Дәрес барышы

1.Оештыру моменты.

    -Исәнмесез, балалар! Утырыгыз.

     Әйдәгез, әле бер-беребезгә елмаеп карыйк та, уңышлар теләп дәресебезне башлыйк.

2.Белемнәрне актуальләштерү.

 -Әйдәгез, балалар үткән теманы искә алыйк. Нинди авазлар өйрәнәбез ?

               -Әйе, дөрес, сузык авазлар темасын.

               -Сузык авазлары ике төркемгә бүленә дип беләбез. Әйтеп чыгабыз

                калын сузыкларны  - [А], [У], [О], [Ы]

                нечкә сузыкларны –  [Ә], [Ү], [Ө],  [Э (Е)], [И].

                Тактага язганда сүзләр: бүлмә, урман, фил, чана, туп, торна, күлмәк, әрекмән.

               Укып чыгалар, аннары укылышын аңлаталар.

               Нәтиҗә ясыйбыз: калын сузыклы сүзләр калын итеп әйтелә, бу калын сүзләр.

               Нечкә сузыклы сүзләр нечкә итеп әйтелә, бу нечкә сүзләр.

               - Балалар, экранга игътибар итегез әле. Анда без табышмак күрәбез. Бергәләп     укып табышмак җавабын табыйк.