Гашыйклар көне

Әдәби-музыкаль кичә

Максат: 

• Мәхәббәт темасына багышланган үлмәс классик әсәрләребез һәм җырларыбыз аша студентларда саф, чиста, илаһи мәхәббәт хисләре тәрбияләү;
• эзлекле фикер йөртү, бәйләнешле сөйләм телләрен үстерү;
• сәхнә серләрен өйрәтү; укучылар арасында оештыру сәләтләрен ачу, үз-үзеңә җаваплылык сыйфаты булдыру;
• яңа информацион технологияләрдән файдалану.

Җиһазлау:

• Зал бәйрәмчә күп йөрәкләр белән бизәлә;
• компьютер, мультимедио проект, электрон дисклар, катнашучылар турында презентацияләр кулланыла. 

1 алып баручы. Исәнмесез хөрмәтле кунаклар, тамашачылар, укытучылар! Менә бүген табигатьнең матур бер көнендә без сезнең белән бу якты залга “Гашыйклар көне”н билгеләп үтәргә җыелдык.

2 алып баручы . Гашыйклар, сөю, мәхәббәт... Нинди матур сүзләр. Ә нәрсә аңлата соң ул сүзләр? Бу сорауга син ничек җавап бирерсең?

1 алып баручы. Залда өлкән тамашачылар бар. Әйдә шулардан сорыйбыз:Сез мәхәббәтне ничек аңлыйсыз?

2 алып баручы. Ә мин мәхәббәтне үземчә менә болай аңлыйм. Мәхәббәт ул кешенең хисләренә шу-у-ундый тәэсир итә : уйлата, шатландыра, елата да.

1 алып баручы. Мәхәббәт кешегә яшәү көче, дәрт, дәрман бирә . Я, ярар, сүзгә күп бирелмичә бүгенге катнашучы парларны сәхнәгә чакырыйк.

2 алып баручы. Ә без бит үзебез белән таныштырырга оныттык.( Алып баручылар үзләренең презентацияләре белән таныштыралар).

1 алып баручы. Үзебез белән таныштырып үттек , ә хәзер техникумның иң гүзәл, иң уңган, иң тырыш татар егетләрен һәм кызларын сәхнәбезгә чакырабыз. (Парлар үзләре турында алдан әзерләп куйлган презентацияләрен күрсәтеп таныштыралар).

2 алып баручы. Иң мәхәббәтле парларны сайлап алу өчен жюри әгъзалары белән таныштырыйк.Жюринең гадел булуын, ә тамашачыларның алкышларын җәлләмәүләрен телибез.

1 алып баручы. Безнең беренче очрашуны хәтерлисеңме?

2 алып баручы. Әлбәттә, безне бу техникум җыр белән таныштырды. 

Музыкаль тәнәфес. 

1нче алып баручы. Без хәзер парларга төрле сораулар биреп , аларны сынап карыйк. Алар безнең никадәр белемле һәм тапкыр икәнлекләрен күрсәтерләр.