28.10.2014жыл

9-11 сынып

Пән мұғалімі: Абишев Н.А.

Тақырыбы: «XXI ғасыр көшбасшысы» атты интеллектуалды сайыс

Мақсаты:

1. Білімділік: Физикаға деген қызығушылығын арттыру; логикалық ойлау қабілетін және ораторлық шеберлігін ойын арқылы дамыту;

2. Дамытушылық: Ой-өрісін кеңейту, логикалық ойлау қабілеттерін дамыту, ұжымшылдық қабілеттін дамыту.

3. Тәрбиелік: Окушыларды ұжымшылдыққа, жолдастыққа, алғырлыққа, белсенділікке және жеке тұлға етіп қалыптастыру, жауапкершілікті сезіну және өз бетімен жұмыс жасауға тәрбиелеу.

Қатысушылар:9-11 сынып оқушылары.

Көрнекілігі: Безендірілген зал, карточкалық тапсырмалар, әр топқа даярланған үстел,

интерактивті тақта, нақыл сөздер.

Түрі: Физикадан интеллектуалды сайыс

Типі: Сайыс түрінде

Жоспары:

І. «Бәйге»

ІІ. «Көкпар»

ІІІ. «Полиглот»

ІV. «Ойлан тап»

V. «Жорға»

Қолданылған нақыл сөздер:

1. «Мен адамға өзіңе сен деймін! Сенің қолыңнан бәрі келеді!...»

(К.Э. Циолковский)

Барысы:

«XXI ғасыр көшбасшысы» атты сайыс

Физика - табиғаттың тілі екен ғой,

Көз тартар табиғаттың сыры екен ғой.

Салған ән, айтылған сөз, ішілген ас,

Бәрінің бағынары физика ғой.

Түсіріп аспан заңын жұмыр жерге,

Бақтырып жұлдыздарды ескен желге.

Жансызға жан бітіріп, қолға салып,

Физика кереметті көрсетті елге.

Бүгін де физика барлық жерде,

Құрылыста, техникада, өндірісте.

Сырларын бұл ғылымның меңгеріңдер,

Шәкірттер ынта қойып үйреніңдер!

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер,- деп бүгінгі сайысымызды бастауға рұқсат етіңіздер.

Армысыздар, құрметті жиылған қауым, ардақты ұстаздар, қадірлі қонақтар, «Жүзден жүйрек, мыңнан тұлпар» сайыскерлер. Бүгінгі «ХХІ ғасыр көшбасшысы» атты сайысымызға қош келдіңіздер!

Ал,оқушы,ұстаздар

Ортаға назар салайық.

Сайыскерлер шықпақ сайысқа ,

Қол соғып қарсы алайық, - деп ду қол шапалақтап сайыскерлерімізді ортаға шақырамыз.

1 нөмірдегі сайыскеріміз: Қамызанова Балжан 9 сынып оқушысы

2 нөмірдегі сайыскеріміз: Еркінқызы Назерке 9 сынып оқушысы

3 нөмірдегі сайыскеріміз: Абылканов Темірлан10 сынып оқушысы

4 нөмірдегі сайыскеріміз: Токанова Аймара10 сынып оқушысы

5 нөмірдегі сайыскеріміз: Құрманғалиева Аида11 сынып оқушысы

6 нөмірдегі сайыскеріміз: Абдилов Амирхан 11 сынып оқушысы

Мен бүгінгі «XXI ғасыр көшбасшысы» атты сайысымызды ұлы орыс физигі К.Э. Циолковскийдің «Мен адамға өзіңе сен деймін! Сенің қолыңнан бәрі келеді!...» деген сөзімен бастағым келеді. Құрметті «Жүзден жүйрік, мыңнан тұлпар» сайыскерлер, бүгінгі сайысымыз 5 кезеңнен тұрады. Солармен танысып өтейік.

Жоспар:

І. «Бәйге»

ІІ. «Көкпар»

ІІІ. «Полиглот»

ІV. «Ойлан тап»

V. «Жорға»

І-тур. Бәйге.

Қарап тұрмай бәйгеге еріңіз,

Шәкірттерге әділ шешім беріңіз,

Жүзден жүйрік, мыңнан тұлпар шығарар,

Бәйге, бәйге, бәйгені бір көріңіз.

Сайысымыздың І-кезеңі - «Бәйге». Бұл кезеңде сайыскерлеріміз физикалық сұрақтарға алдарыңызда тұрған қағазды көтеру арқылы жауап беруі тиіс. Әрбір дұрыс жауапқа 3 ұпай беріледі. Дайын болсаңыздар сайысымызды бастаймыз. Ал,мұқият болыңыздар:

1. Физика қандан ғылым?

(табиғат туралы ғылым)

2. Ашық ыдыстағы су неге азаяды?

(буланады)

3. (10-6 ) дәрежесі қалай аталады?

(микро)

4. Өз сұйықтығымен динамикалық тепе-теңдікте болатын бу?

(қаныққан бу)

5. «Фюзис»-грек тілінен аударғанда қандай мағынаны білдіреді?

(табиғат)

6. Зарядталған бөлшектердің реттелген қозғалысы?

(ток)

7. Бір дененің екінші дене молекулаларымен өздігінен араласу құбылысы қалай деп аталады?

(диффузия)

8. Заттың үш күйін ата:

(қатты, сұйық газ)

9. Күштің өлшем бірлігі?

(Ньютон)

10. Жарық жылдамдығының шамасы неге тең?

(3*108 м/с)

11. Аспан денелерін зерттейтін ғылым?

(астрономия)

12. Қозғалыстың шапшаңдығын және бағытын сипаттайтын физикалық шама?

(жылдамдық)

13. Жердің серігі?

(ай)

14. Ұзындықтың халықаралық бірліктер жүйесіндегі өлшемі не?

(метр)

15. Пробирка қай тілден енген сөз?

(орыс)

16. Астрономиядағы ең негізгі зерттеу құралы?

(телескоп)

17. Геоцентрлік жүйе бойынша әлемнің центрінде не тұрады?

(жер)

18. Кемпірқосақта неше түс бар?

(7 түс)

ІІ-тур. Көкпар.

Адам - Алып таңғажайып ісімен,

«Көкпар» - ойын ой тастаған түсімен.

Зерделілер заманды алға жылжытсақ,

Физикалық заңдылықтар күшімен.

Бұл адамдар ардақтаған халықтар,

Физикада даңқы шыққан алыптар.

Қара, ойлан, зерек болсаң сайыскер,

Алыптарды әрқашанда танып қал.

Әр топ экранда көрсетілген ұяшықтардан 1 сұрақтан таңдайды. Әрбір дұрыс жауапқа 3 ұпай беріледі.Осы екі тур қорытындысы бойынша ең аз ұпай жинаған 1 оқушы ойыннан шығады.

1.Бұл қай ғалым?
А) Ғылыми еңбектері механикаға, оптикаға, астрономияға, математикаға арналған.
Б) Механиканың үш заңын ашқан.
В) бүкіл әлемдік тартылыс заңын ашқан.

(Ньютон)

2.Бұл қай ғалым?
А) Дәлелденген формуласы бар.
Б) математик, астроном.
В) Өзінің жаңалығына шаттанып қуанғанда «Таптым!Таптым!» деп айқайлаған.

(Архимед)

3.Бұл кім?
А) Өз өмірінде 40т тамақ жейді.
Б) Дүние жүзіндегі ең ақылды жыртқыш.
В) Қуаты орта есеппен 2,2 Вт.

(Адам)

4.Бұл қай ғалым?
А) IV ғасырда өмір сүрген.
Б) Александр Македонский шәкірті.
В) философия, астрономия, механика, оптика. ғылымына еңбегі сіңген.

(Аристотель)

5.Қандай құрал?
А) Керекті бағытыңды көрсетеді.
Б) Алмаз бен қымбат материалды елемейді.
В) Жолында темір кездессе бұлқына бастайды.

( Компас)

6)Бұл қай ғалым?
А)Білім мен тәрбиенің бірлігіне ерекше мән берген
Б)»Тәрбиесіз берілген білім адамзатты күйретеді» деп көрегендікпен ескерткен
В)Тәрбиелеуші білімнің ғылыми негізін қалаған «Екінші ұстаз» атанған ғалым

(Әл-Фараби)

ІІІ-тур. Полиглот.

Келді кезек полиглотты шешуге,

Жауаптарды аударуға үш тілде.

Қазақ, орыс, ағылшынды білсеңіз,

3 ұпай, шәкірт саған несібе.

Әрбір дұрыс жауапқа 3 ұпай беріледі. Осы үш тур қорытындысы бойынша ең аз ұпай жинаған 2 оқушы ойыннан шығады.

1.Аса қажет өмірге халық үшін,

Пайдаланамыз күн сайын жарық үшін.

(ток, ток, current [каррент])

2.Жалғыз бағыт білері,

Бұрғаныңа көнбейді.

Жол көрсетіп береді6

Бірақ өзі көрмейді.

( компас,compass [кампәс])

3.Туыстарын шетінен,

Өбеді де бетінен.

Бала-шаға ұсағын,

Бауырына қысады.

( магнит, magnet [магнет])

4. Көкке қараған, жұлдыз санаған.

(телескоп, telescope [телискоуп])

5.Тар шеңберді айналып,

Тұр құдықта байланып.

Қаға берер таңдайды,

Әдетінен танбайды

( сағат,часы, cloсk [клок])

6.Қозғалысқа келтіріп,

Жылдамдығын береді.

Өлшемдерін қарасақ,

Ньютонға ол келеді.

(күш,сила, strength [стрензсі])

7.Жоғалмайды ешқашан,

Түрлендірсек егер де.

Басқа күйге ауысқан,

Жұмыс істейді әрқашан.

(Энергия,энергия,energy [енеджи])