5нче сыйныф (рус төркеме ) өчен дәрес планы.

Тема:“Безнең Татарстан”  текстындагы лексик-грамматик материал.

Дәрес максатлары:

Укытучы өчен:

1.      Белем бирү максаты:

“Безнең Татарстан” текстындагы яңа сүзләр белән таныштыру; сыйфатларны сөйләмдә активлаштыру; укучыларның телдән аралашу күнекмәләрен үстерү.

2.      Үстерү максаты:

Укучыларны актив аралашуга, иҗади сөйләшүгә  тарту;  гомумиләштереп нәтиҗә ясый белү күнекмәләренә өйрәтү.

3.      Тәрбия максаты:

Укучыларның татар телен өйрәнүгә кызыксынуларын арттыру; туган якка мәхәббәт тәрбияләү.

Укучы өчен:

Өйрәнелгән лексиканы аңлап куллана белүләренә ирешү, аларны актив  сөйләмгә кертү; туган як  турында сөйли белү.

Дәрес барышы.

I.                   Оештыру.

1.      Уңай психологик халәт тудыру.

Укытучы. Исәнмесез, укучылар! Хәерле көн! Кәефләрегез ничек?

Көнне яхшы сүз белән башласаң, бөтен көнең яхшы үтәр, диләр. Әйдәгез әле бер-беребезне яңа көн белән котлыйк, матур теләкләр телик. Көтелгән җавап: Хәерле көн! Яңа көн тынычлык алып килсен! Яңа көндә яхшы билгеләр генә алыйк! Яңа көндә барыбыз да яхшы эшләр генә эшлик.

II.                Өй эше тикшерү.

1.      Әңгәмә.

Укытучы. Укучылар, өй эшен тикшерик әле. Сезгә 125нче биттәге 13 нче күнегү бирелгән иде. 12нче күнегүдәге сорауларны файдаланып, үзегезгә ошаган спорт төре  турында сөйләргә кирәк булачак. (3-4 укучы дөрес итеп сөйләп бирә) Димәк, нинди спорт төрләре ошый?Спорт яратучы нинди булырга тиеш? Көтелгән җавап: тырыш, акыллы, эшчән, әдәпле, батыр,игътибарлы, ягымлы, тыйнак, сөйкемле...Бу сүзләргә нинди сорау куябыз? Алар нинди сүз төркеме булалар? Көтелгән җавап:Нинди? соравын куябыз. Андый сүзләр сыйфат булалар.

2.      Белемнәрне тигезләү.

Әңгәмә.

Укытучы. Узган дәрестә нинди уку мәсьәләсе куйган идек? Көтелгән җавап: спортчыларга хас булган уңай сыйфатларны сөйләмдә куллана белү

3.Укытучы. Хәзер, укучылар, парларда эшләп алыйк әле.(Cингл Раунд Робин) Туган як турында әңгәмә корыйк. Беренче группа сорый, икенче группа җавап бирә.

Синең туган җирең  бармы?

Син ни өчен аны үзеңнең туган җирең  дип саныйсың?

Син туган җиреңне яратасыңмы?

III.             Яңа тема.

Укытучы.  Бүген туган җир  турында сөйләшүне дәвам итәрбез. Шул максаттан чыгып, :“Безнең Татарстан”  текстын   өйрәнүгә әзерлекне башларбыз. Әлеге текста лексика өстендә эшләрбез.

Уку мәсьәләсен адымлап чишү.

1.      Яңа сүзләр белән таныштыру. Тактада яңа сүзләрне уку.  Транскрипция белән эш.

Табигать[ табигәт]

бай[бай]

калын[калын]

болын[болон]

төлке[төлкө]

нократ[нократ]

2.      Яңа сүзләрнең мәгънәсен ачыклау.

3. Яңа сүзләрнең әйтелеше өстендә эш.

а)  сүзләрне кабатлау;

(Релли Робин)

б)  сүзтезмәләр әйтү:  сүзтезмәләр белән җөмләләр төзү. Сүзтезмәләр бүлеп бирелә.

IV. Яңа сүзләрне сөйләмдә куллануны ныгыту.

1.      Дәреслек белән эш.

 Бирем 126нчы биттәге ,2нче күнегүне үтәү.Бирелгән сүзләрнең антонимнарын табыгыз.

Бай,зур,калын,күп,салкын,биек,усал,кыш.

Ситуатив күнегүләр.

3нче күнегүне үтәү.Бирем.Спросите у друга:

4нче күнегүне үтәү.Бирем.Сүзләрдән сүзтезмәләр төзеп языгыз.

4нче күнегүне үтәү.Бирем.Русчага тәрҗемә итегез,дәфтәрегезгә языгыз.

V. Өй эше.

127нче бит,6нчы күнегү.Кросвордны чишегез.

VI. Рефлексия.

Укытучы.Дәрестә бүген нинди уку мәсьәләсе чиштек? Ничек чиштек? Нәрсәләр белдек?

Гомуми бәя кую.

Укытучы. Барыгызга да рәхмәт! Сау булыгыз!