№ 16 орта мектеп-гимназиясының

тарих пәні мұғалімі Сейдеханова Ш.Ж

7 кл. Дүние жүзі тарихы

Сабақтың тақырыбы:§15 XI-XV ғасырлардағы Германия

Мақсаты:Германиядағы феодалдық қатынастардың ерекшеліктерін түсіндіру

А)Герман жерлерінің мемлекеттік-саяси даму ерекшеліктерін баяндау арқылы,елдегі саяси бытыраңқылықтың себептері мен салдарын терең ашып көрсету.

2.а)Нақтылы тарихи фактілер арқылы оқушылар феодалдық қоғамның барлық озық ойлы күштерінің король билігін нығайтуға, ал корольдің сол озық күштерге арқа сүйеуге тырысқанын тереңдетіп түсіндіру.

б)Оқушыларды  өздігінен жұмыс істету арқылы олардың ой-өрісін дамытып, өзіне деген сенімін қалыптастыру

3.Тарихи материалды дұрыс іріктеп, сапалы оқыту арқылы оқушыларды өзге елдің тарихына құрметпен қарауға тәрбиелеу

Сабақтың түрі:  аралас

Әдісі: сұрақ-жауап, өз бетінше кітаппен жұмыс, пікір алмасу

Көрнекілік : карта, кесте, сызба

                       Сабақ  барысы

I Ұйымдастыру

II Үй тапсырмасын тексеру. 1. Нормандықтардың Англияға басып кіруіне не себеп болды? 2. «Қаһарлы сот кітабы» қашан жазылды? 3 Ағылшын парламенті қашан құрылды?(1265 ж.құрылды) 4.«Ал қызыл және Ақ раушандар соғысы (1455-1485жж)» себебі не?(екі әулеттің арасындағы билік үшін талас-тартыс)

А) Өзін-өзі тексеру сұрақтары

1.Қай ағылшын королі жер ,халық және мүлік салығын жүргізді?

А) Вильгельм    ә) II Генрих         б) III Эдуард        в)IIIГенрих 

2. Қай король сот реформасын енгізді?

А) Вильгельм    ә) II Генрих         б) III Эдуард        в)IIIГенрих 

3. Ағылшын парламенті қашан құрылды?

А)1265 ж.    ә) 1455 ж.      б)1215 ж.      в) 1381 ж.

Б) Шығармашылық тапсырма «УотТайлер мен Жакерия көтерілістерін салыстыру »

-Себептері мен ұқсастықтары неде ?

III Жаңа тақырып. Жоспар1.Герман жерлерінің мемлекеттік-саяси даму ерекшеліктері.2. Герман рыцарлары. 3.Еркін қалалар.4. Германиядағы шіркеу орталықтарының жағдайы.

                          Герман жерлерінің мемлекеттік-саяси даму ерекшеліктері

1) 962 ж.Германия королі 1-Оттон      2)Рим папасы оған тәж кигізіп, оны император деп жариялады.

Римді басып алды.                                 3) құрамына солтүстік Италия да кірді

4) Германия енді «Қасиетті Рим империясы»  5) XI ғ.Бургундия мен Чехияның біраз жерін қосты

деп аталды

XI ғ.ортасына қарай саяси бытыраңқылық күшейді, себебі:

1.ұсақ және орташа ауқатты жер иелері тікелей корольге емес, княздерге, герцогтерге бағынды

2.Княздер өз биліктерін нығайтып, бейбітшілік кезінде корольге тәуелді болмады.

А) Кітаппен жұмыс 69-беттегі «Алтын булла» жарлығы туралы оқу.

«1365 ж.император IVКарл «Алтын булла» деген жарлығын жариялады. Ол бойынша императорлар жеті курфюрстердің (3 діни, 4 ақсүйек княздер) жиналысында сайланатын болды.Курфюрстер өздері императорлардан княздердіңдербестіктеріне араласпауын талап етті. «Алтын булла» Германияның саяси бытыраңқылығына заң жүзінде жағдай жасап берді.»

Германияның  бытыраңқылығының ерекшеліктері

1) Императордың қолында атқарушы    2) заң шығаратын орган болмады

аппарат болмады.                                        3) қаржы мәселесімен айналысатын мекеме                                         

                                                                         болмады

4)жергілікті княздер тәуелсіз болды

Саяси бытыраңқылық себептері

1.«Алтын булла» Германияның саяси бытыраңқылығына заң жүзінде жағдай жасап берді.

2.Король өкіметі мен қалалар арасында одақ қалыптаспады,елдің ішкі экономикалық байланыстары нашар болды.

3.Жергілікті княздер дербес болды. Заң шығаратын, қаржы мәселесімен айналысатын мекеме болмады.

Б) Геманиядағы шіркеу орталықтарының жағдайы туралы кітаптан оқу.

Католик шіркеуі «индульгенциялар сату» арқылы көп табыс тауып тұрды. «Индульгенция деген Рим папасының атынан сатылатын немесе ерекше қызметі үшін сыйға берілетін грамота.Сол грамотаны алған адамның бұл дүниедегі күнәсі кешіріледі, о дүниеге барғанда жаны жұмақтан орын алады деп есептелді.»

IV  Пысықтау 1.XI-XV ғғ. Германия жеріндегі саяси даму ерекшеліктері қандай болды?2. Германия рыцарларының мақсат-мүддесі нені көздеді?Мақсаттарына жету үшін рыцарлар не істеді?3. Германияның ортағасырлардағы қалалары не үшін күресті?Олардың өзара және шет елдермен байланыстары қандай болды? 4. Шіркеу орталықтарының күшею себептері?

Өзін-өзі тексеру сұрақтары:

1. Оттон Римді қай жылы басып алды?

А) 962 ж.  ә)1356 ж. б)1237 ж.   в) 1265 ж.      г) 1381 ж.

2. «Алтын Булла» жарлығын жариялаған император.

А) I Оттон        ә)IV Карл      б) Альбрехт Медведь  в)II Генрих

3. Ортағасырлық мәтел бойынша «қаладағы ахуал ... жеткізеді»

А) денаулыққа    ә) бостандыққа     б) тәуелсіздікке    в) жауапкершілікке

 V Үйге тапсырма§15 оқып, мазмұндау, сұрақтарға жауап беру.