"Описание материала:

Һәр кешегә туган авылы якын.Ул-аның кече ватаны.Минемчә,һәрбер кешенең бурычы- үзенең туган җиренең кадерен белү,туган нигезен,әти-әнисен ,туганнарын онытмау,туган җиренең үткәне белән кызыксынып,киләчәге турында кайгыртып яшәү. Теманың актуальлеге: 1)авылларда гореф-гадәтләр югалып бара; 2)яшь буынның авылдан читкә китәргә омтылуы,авылның үткәне һәм киләчәге белән кызыксынуының кимүе. Эшемнең максаты: 1)туган авылыбызның үткәне һәм бүгенгесе турында өйрәнүне дәвам итү; 2)туган як тарихы турында материалларны барлау һәм мәктәп музеена тапшыру; 3)туган авылымда югала барган гореф-гадәтләрне торгызу".Кнәбаш авылының урнашкан урыны,чыгышы Минем туган авылым Кнәбаш авылы Кукмара районының көнъяк почмагына урнашкан.Авыл табигате белән бик матур җирдә барлыкка килгән.Аны барлык ягыннан да таулар уратып алган.Аларны Урал тауларының дәвамы булырга тиеш дип әйтәләр.Элек бу тауларда кара урман булган.Хәзер инде сирәк-сирәк кенә чыршы,нарат агачлары үсә. Авыл урынында да элек куе урман булган .Хәзер инде ,авылдан бер-ике чакрым читкәрәк китсәң, Мишәбаш урманчылыгына кергән зур иге-чиге күренми торган зур урманга барып чыгасың. Авылны кочакта калдырып ике яклап инеш ага һәм алар авылның төнъяк почмагында тоташалар.Бу инешкә Кнә дип исем биргәннәр.Түбән якта ,инеш буена урнашкан Иске Кенә,Кнә Тамагы дигән авыллар бар.Димәк ,Кнәбаш дигән исем авылга Кнә суының башына утырган булуыннан бирелгән булырга тиеш.Кнәбаш авылы Кукмара районының1493 кв. чакрым җирен били.Район үзәгеннән 15 чакрым ераклыкта урнашкан.Географик яктан Кнәбаш авылы хуҗалык алып барыр өчен бик уңай җирдә урнашкан.Авыл җире 80-10 метрлы таулардан тора.Әйтеп киткәнемчә,ике яклап инеш ага,бөтен ягында басулар,таулар,кечкенә агачлыклар.Авылыбызның кайсы ягына гына барсаң да матур ,бай ,иркен табигать кочагына килеп чыгасың.