Бағдарламаның жеті модуліне қатысты ойлар жазылған  рефлексивті  есеп   Оқушыларға сапалы білім беру үшін мұғалімдер осы курс бағдарламасының жеті  модулінде  қарастырған идеяларды өз сабақтарында тиімді қолдана алулары қажет. Олар мұғалімнің сабақта пайдаланатын жекелеген стратегиялары мен тәсілдері сияқты өзара тығыз байланысты және оқыту барысында аралас түрде ұсынылады. Бірінші модуль «Білім беру мен білім алудағы жаңа әдістер» деп аталады. Бұл модульдің негізінде әлеуметтік-сындарлылық тұрғыдан білім беруді түсіну жатыр. Ал балалар өзінің түсінігін өзіндік зертеулері мен әлеуметтік өзара байланысқа сәйкес құратын белсенді білім алушы болып табылады.