Сабақтың мақсаты:
Білімділік: оқушыларға балық және теңіз тағамдарымен таныстыру;
Дамытушылық: оқушылардың теориялық білімдерін практика жүзінде қолдана білуге дағдыландыру;
Тәрбиелік: қыз баланы үй шаруашылығына икемді болуға, ұқыптылыққа тәрбиелеу.

Сабақтың түрі: аралас сабақ
Сабақтың әдісі: түсіндірмелі, сұрақ - жауап
Сабақтың көрнекілігі: плакат № 1, 2, буклет
Пәнаралық байланыс: биология, тарих
Сабақ барысы
І. Ұйымдастыру кезеңі.
а) сәлемдесу әдебі: Сәлемдесу, оқушылардың көңіл - күйіне, денсаулығына баса назар аудару.
ә) сабаққа қатысуын бақылау: жоқ оқушыларды белгілеу, кезекшілерді анықтау, құралдарын тексеру.
II. Өткен материалды еске түсіру.
а) үй тапсырмасын сұрау:
ә) өткен материалды пысықтау:
1. Дастархан басында өзін - өзі ұстау мәдениеті дегеніміз не?
2. Орындықта қалай отыру керек?
3. Майлық дегеніміз не?
4. Тамақ ішіп болған соң майлықты қай жағына қояды.

ІІІ. Жаңа сабақ.
Балық еті – дәмділігі мен бойға жұғымдылығы жағынан одан асып түсетін ас. Ет тағамдарына қарағанда балық тағамдары әсіресе балық сорпасы сіңімді болғандықтан, оны пайдаланған кезде асқазан шырыны көп бөлінеді.
Балық етінің құрамындағы белоктың көлемі 15 %- тен 26 % аралығында болғанда, бағалы болып есептеледі. Балықтың белогінде 20 түрлі амин қышқылы болады, оның 8 - і (лизин, метионин, триптофан, валин, лейцин, изолейцин, треонин, фенилалин), адам организмі үшін өте қажетті зат болып есептеледі. Балықта 0, 1 - 30 % май, 0, 9 - 2 % витаминдер мен минералдық заттар болады. Сүтқоректі жануарлардың майына қарағанда балықтың майы сұйық болады, өйткені оның құрамында зат алмасуына маңызды роль атқаратын қанықпаған май қышқылдары көп болады.
Балық – өте бағалы тамақ өнімі. Балық етінде ақуыз, минералдық заттар, майлар мен дәрумендер бар.
Балық ақуызы бойға тез сіңеді (≈ 95 - 98 %).
Майы аз жас балық пайдалы.
Майлылығына қарай балықтарды 3 топқа бөледі:
- Арықтауы: нәлі балық (треска), хек;
- Орташа майлы: теңіз алабұғасы, камбала, скумбрия, ставрида;
- Майлысы: майшабақтар.
Балықтардың минералдық құрамы әр алуан. Теңіз балықтары йодқа бай. Балық тез бұзылады, сондықтан оны тоңазытқышта ұстайды, тұздайды.
Мұздалған балықтар өзінің бастапқы сапасын жоймайды. Балықты сақтау мерзімін қадағалаңдар.
Ет дайындамасы – жартылай дайындалған ет.