Білім беру жүйесін жаңғыртудың маңызды міндеттердің бірі- өкілдері бәсекеге қабілетті білімді меңгерген, ой-өрісі дамыған ғана емес, жоғары азаматтық және адамгершілік ұстанымы, отансүйгіштік сезімі мен әлеуметтік жауапкершілігі қалыптасқан зияткер ұлтты қалыптастыру болып табылады.

ҚР Президенті Н.Ә.Назарбаев  «Еліміздің ертеңі, бүгінгі жас ұрпақтың қолында. Ал жас ұрпақтың тағдыры ұстаздың қолында» деп атап көрсетті. 

Алдымызға қойылған міндетті жүзеге асыру барысында ҚР 2011-2020жж арналған мемлекеттік Бағдарламаны негізге алып жұмыстанамыз.Бағдарламаның «Тәрбие жұмысы және жастар саясаты» бөлімінде мақсаттар мен міндеттер айқындалған. Ең басты мақсатымыз жастар бойында белсенді азаматтық ұстанымды, әлеуметтік жауапкершілікті, отансүйгіштік сезімді, жоғары адамгершілік және көшбасшылық қасиеттерді қалыптастыру.Бұл мақсатқа жету үшін аудан бойынша тәрбие саласында шаралар кешені іске асырылуда.