06.04.2015

Сабақтың тақырыбы: Мекеме , ұйым  жұмыстарына   қатысты  іс қағаздарының  түрлері.

Сабақтың  мақсаты:  1.Оқушыларға  тақырып  бойынша түсінік беру;

                                    2. Сауатты жазып, сөйлей алуға үйрету;

                                    3. Тілді құрметтеуге, тілжанашыры болуға тәрбиелеу.

Сабақтың түрі: жаңа сабақ.

Сабақтың  әдісі:  түсіндіру, сұрақ-жауап, әңгімелеу, талдау

Көрнекілігі: кеспе қағаздар, кітаптар.

І.Ұйымдастыру  кезеңі.

Оқушылармен  амандасу,забаққа зейінін аударту.

ІІ.Үй  тапсырмасын  сұрау.

Өткен сабақтарды қайталау.

ІІІ.Жаңа  сабақ.

Мекеме , ұйым  жұмыстарына   қатысты  іс қағаздарының  түрлері.

 Келісімшарт –тараптар   арасында  қандай  да бір  қатынастардың  орнауы  туралы  келісімді  белгілейтін  және  реттейтін  құжат.

Келісімшарттың  құрылымы:

·         Құжат аты;

·         Келісімнің  жасалған  орны мен  күні;

·         Тараптардың  аты-жөні, мекен-жайы, жеке  куәліктерінің  нөмірі  мен  сол  куәлікті  берген  мекеменің  атауы;

·         Келісімшарт  мәтіні;

·         Ноториалдық   кеңседе   куәләндырылған  жазба;

·         Келісім  тіркелген  тізбе;

·         Алынатын  мемлекеттік  салық;

·         Нотариустың  қолы.

Хаттама- алқалық  ұйымдардың жиналыстарында , кеңестерінде, конференцияларында  және  мәжілістерінде  мәселені  талқылау  барысы  мен  шешімдерін  тіркейтін  құжат.

Хаттаманың  құрылымы:

·         Құжат  түрінің  аты;

·         Мекеме аты;

·         Мерзімі, индексі;

·         Мәжіліс  өткізілген  жер;

·         Хатталынатын  кеңес  аты;

·         Төрағаны, хатшыны,қатысушыларды  көрсету;

·         Күн  тәртібі;

·         Тыңдалды,сөйледі,  қаулы  қабылданды, формасындағы  мәтін;

·         Төраға,  (төрайым)  мен  хатшының  қолы.

Бұйрық –мекеменің  алдында  тұрған  мәселелерді   шешу  мақсатында  басшылық  жасайтын  құқықтық  акт.

Бұйрықтың  құрылымы:

·         Бланк  штампының  реквизиттері;

·         Құжат  аты;

·         Күні,  нөмірі;

·         Шыққан  жері;

·         Мәтін  тақырыбы;

·         Бақылау  туралы  белгі;

·         Қолы;

·           виза;

·         Құжаттың  орындалуы  туралы  белгі.

Хабарландыру - бірдеңе туралы хабарлау мақсатында газетке, журналға, басылған немесе бір жерге ілініп қойылған мәтін.

Анықтама-  белгілі  бір  деректі  дәлелдейтін,  растайтын ,  сипаттайтын  құжат.

Анықтаманың  құрылымы:

·         Құжат  аты;

·         Негізгі  мәтін;

·          Анықтаманың  қай  ұйымға  берілгені  туралы  мәлімет;

·         Анықтаманың  жарамдылық мерзімі  жайлы  мәлімет;

·         Анықтаманы  беріп  отырған  ұйымның  мөрі  мен  анықтама  беруші  адамның  қолы;

Кітаппен, тақтамен  жұмыс.

Бұйрық,  анақтамаға  үлгі  жазу.

Сабақты  бекіту.

Сұрақ  жауап:

1.      Мекеме,  ұйымдағы  құжаттардың  аттарын  атаңдар?

2.      Бұйрық дегеніміз  не?

3.      Анықтама дегеніміз  не?

4.      Келісімшарт  дегеніміз  не?

5.      Хабарландыру  дегеніміз не?

Үйге  тапсырма. Осы  құжаттардың құрылымын ережесін жаттау, үлгі жазу.