Математика пәнінен олимпиадалық есептер - өзінше бір ерекше әлем. Бұл есептер әдетте мектептегі математика пәнінен шығарылатын есептерден едәуір өзгеше болып келеді, оларды шешу үшін тек бағдарламаға сай материалдарды білу аздық етеді, өйткені математика пәнінен оқушыларға олимпиадаларда ұсынылатын есептер анықтамалар мен негізгі ұғымдарды, қасиеттер мен тұжырымдарды білумен қатар үлкен логикалық ойлау қабілетін, математикалық сауаттылық пен мәдениеттілікті талап етеді. Сондай зор қабілет пен ептілікті қажет ететін тақырыптардың бірі - Дирихле принципі. Бұл еңбек осы тақырыпқа арналған.