نَبِيُّ اللّهِ هُودٌ

ХIуд-Пайхамар (1.с.)– Iарбашха волаш вена хьалхара Пайхамар ва. Из Дала  Къуръана чухьа хьоахабаьча Пайхамарех ва. Из хиннав Iарбий Iадяхача тукхамах (племя). Из венача хана адам керастала чIоагIа чуденна хиннад. ХIуд-Пайхамара  Iад-нахага, Даьла  цаI вара наькъ тIехьа тIадувла, цIувнашта (идолы) деш дола Iибадат керастал да шоана, яхаш, бусалба дын кхайкадеш хиннад.

ХIуд-Пайхамара  ший нахага, уж нийсабалар дог доахаш, оалаш хиннар Дала  Къуръана чухьа хьадоаладаьд:

]إِنِّىلَكُمْ رَسُولٌ أَمِينٌ  فَاتَّقُوا اللَّهَ وَ أَطِيعُونِ  وَ مَاأَسْأَلُكُمْ عَلَيْهِ مِنْ أَجْرٍ  إِنْ أَجْرِيَ إِلاَّ عَلَى رَبِّ الْعَالَمِينَ[

МаIан: «Со шоана  тешаме (Даьла) Элча ва (Дала шуга дIакхайкаде лаьрхIа хIама дIакхоачадарна тIехьа вайта), Даьлах кхера, сона мутIахьа хила (аз амар деш долча Даьла цаI хиларгахьа а, Цу Далла мутIахьа хиларгахьа а). Аз цу тIехьа (из дIакхоачадирах) шугара йоал ехац. (Из дIакхоачадирах) сона бола маьл деррига Iалам доалахьа деш волча Далла тIехьа мара бац.  

Цхьабараша ХIуд-Пайхамара  кхайкадеча даIаватага ла а дийгIа, шоай керасталах юха а кхийтта, цунна тIехьа а баьнна нийсабенна дIабахаб. ХIаьта вокхар шоаш деш дола керастал дитадац.

АллахIо  уж шийна Iаьса хиларах юха ца кхийтача, доккха Iазап тIаоттадаьд царна. Дала  царна тIабайтача чIоагIача михо царех керастал деш мел хиннар урагIа а вехьа, кортош доацаш цар дегIамаш юха лаьтта чукхайсад. АллахI  шийца керастал дар дезаш а мегийташ а вац. Iибадат, кхолла низ болча а, деррига ший карадолча а, цаI волча Далла  мара де йиш яц.