Тақырыбы:  Қыз өссе, елдің көркі

Сабақтың  мақсаты:

  а) Жас ұрпақты әдемілік әлемінің сұлулығын көзбен көре, жанмен түсіне білуге , сұлулық сырын тілмен жеткізе, көңілге тоқи білуге , зерделі болуға үйрету.

ә)Қыз балалардың жас кезінен алатын тәлім-тәрбиесіне байланысты туған мәтелдердің мән мағынасын ашу.

Тәрбиелік жұмыстар: үй шаруасы сабағы , яғни ою – өрнек ою, кесте тоқу, әртүрлі  сәндік шашақтар жасау т.б. Қыздардың өздеріне керекті тұрмыстық  заттарды жасатып үйрету.

Әдісі:  Қыздар арасындағы жарыс сабақ.

Көрнекілігі: Үнтаспа, тұрмыстық заттарды жасауға қажетті материалдар: киіз, түрлі түсті маталар, жіп, ине, желім т.б.

Барысы: 

Ұйымдастыру

Эксперт тобын құру ( өтілетін  сабақтың барысындағы шараларға баға бертін ұлдар тобы)

І. Ой қозғау(психологиялық дайындық)

Қыздар бір –біріне жақсы сөздер айтады (сұлусың, әдемісің, нәзіксің, сезімталсың т.б.)

Айтылған ұнамды сөздерден жаңа жұмыс тобын құру:

Әр топ өздеріне берілген сөздерді өнер мен әдептің сұлулыққа, сыпайлыққа, әсемдікке қатынасына негіздеп анықтама береді

І топ «Сұлулық»

ІІ топ «Әдемі»

ІІІ топ «Нәзік»

Берілетін тапсырма: 

І топ «Сұлулық» тобы – өлең шумақтарымен береді.

ІІ топ «Әдемі» тобы – сурет арқылы көрсетеді.

ІІІ топ «Нәзік» тобы – эссе жазады.

Әр топ жұппен, топпен жұмыс жасап, бір оқушы дәлелдейді, талқылайды.

Мұғалім қосымша толықтырады Халқымыздың Қыз Жібек, Құртқа, Баян, Сара, Тоғжан сияқты аруларының бойындағы қыз балаға лайық ерекше қасиеттерін саралап көрсету, олардың отбасылық тәрбиеде және ортада жастардың бойында қалыптасатынына көздерін жеткізу.

Сергіту сәті:  Оқушылардың  орындауында Марат Омаровтың әніне жазылған «Қыз сыны» әнін тыңдату және өлеңнен қандай әсер алғандары туралы ой қозғау.

Ендігі кезекте  топтарға мәтелдер таратылады.

І топ «Сұлулық» тобына – «Қызға  қырық  үйден тыю»

ІІ топ «Әдемі» тобына – «Өз үйінде ою оймаған, кісі үйінде тон пішер»

ІІІ топ «Нәзік»  тобына -  «Өнерлінің қолы алтын, өлеңшінің сөзі алтын»

Әр топтан бір оқушы сөз алып, берілген мәтелдің мән – мағынасын ашып, қорғайды.

ІІІ топтың айтуы бойынша   «Өнерлінің қолы алтын» деген айдармен «Сымбат» атты көрме ұйымдастырылады.

І топ «Сұлулық» – аяққап

ІІ топ «Әдемі» – кесеқап

ІІІ топ «Нәзік» -басқұр

тігу тапсырылады

Әр топқа дайын материалдар таратылады. (ою оятын материалдар, шашақтар, жіп, ине т.б.) Жасаған бұйымдарын көрмеге қояды, ол туралы түсінік береді. (қай жерде, не үшін қолданылатыны туралы айтады).

Таратылатын материалдар түрі: ақ киізден жасалған  кесеқап пен аяққаптың  дайын формалары.

Мұғалімнің түсініктеме сөзі: 

Аяққап – көшпелі қазақ халқының аяқ – табақтар сақтау үшін пайдаланатын үй мүлкі.  Аяққаптың жасалуы әр жерде әртүрлі болады. Аяққапқа бейнеленген ою-өрнек мәнері алаша, кілем, текемет өрнегіне ұқсас. Аяққап

киізден төртбұрышты формада жасалады. Аяққаптың шеткі жақтарына шашақтар тігіледі.

Кесеқап – ақ киізден цилиндр тәрізді  қылып жасайды да, сыртына әртүрлі өрнек түсіреді. Төбесі мен түбінің дөңгелектенген тұсына шашақ тігеді. Кесеқапта дорбаға ұқсаған бау болғандықтан, мұндай бұйымға жолға шыққанда ыдыс –аяқ салып жүру өте ыңғайлы.

Басқұр – киіз үйдің сүйегін бір –бірімен ұштастыру және сыртқы киіздерін бастырып тұру мақсатында бау – басқұрлар қолданылады.

Ой толғау: Қыздар тобы бүгінгі тәрбие сағатынан өз жан дүниелеріне қандай әсер алғаны жөнінде пікір алмасады.

Мұғалімнің қорытынды сөзі: 

-                     адамның ішкі дүниесі мен сыртқы дүниесінің үйлесімділігінің бірдей болуы;

-                     рухани және мүсін сұлулығы;

-                     мінез – құлық, жүріс –тұрыс, өзара қарым-қатынас әдептері;

-                     Атадан балаға жалғасып келе жатқан серілік мінез, сезімталдық, талғампаздық қабілеттердің қалыптасуы және салақтық жаман әдет екені жайында түсінік беріледі.

(рахмет айтылады).