Сыйныфларда белем дәрәҗәсе төрле булган укучылар бар. Берләренең табигатьтән  бирелеше “йомшак”, икенчеләренең укыйсылары килми. Укытучы алдында мондый балаларга төрле дәрәҗәдәге биремнәр әзерләү бурычы тора. Шулай ук көчле балалар өчен дә аерым биремнәр төзергә мөмкин.  Укучылар белән индивидуаль рәвештә эшләү өчен биремнәр тәкъдим итәм. Бу күнегүләр арасында төрле дәрәҗәдәге укучы балаларга яраклы биремнәр бар. Көчле укучылар өчен тагын да катлауландырырга мөмкин. Тугызынчы сыйныфта бердәм республика тестына әзерлек материалы булып та хезмәт итә ала. Ситуатив биремнәрне төрләндерергә мөмкин.