Зал бәйрәмчә бизәлгән. Стенага  “Бәйрәмегез  котлы  булсын “сүзләре язылган плакат эленә.Дәртлекөй яңгырый.

Алып баручы:

Бүгенге ярышта безнең гүзәл кызларыбыз  үзләренең төрле яктан осталыкларын күрсәтерләр

Ярышны башлап җибәрер алдыннан иң элек  әти-әниләр арасыннан хөкемдарлар сайлап куябыз.Алар безнең кызларыбызга гадел бәя бирерләр дип ышанып калабыз.

Әйдәгез,көчле алкышлар белән командаларны чакырыйк.Бәйрәмчә музыка астында “Кояшкай” һәм “Йолдызлар” командалары керәләр.

Алып баручы: Хөрмәтле  кызларыбыз ! Сезне якынлашып килүче 8 нче март- Халыкара хатын-кызлар көне белән чын күңелебездән котлыйбыз.Сезгә саулык-сәламәтлек, озын гомер, бәхетле балачак телибез.Ә бүгенге ярышта сезгә зур уңышлар теләп калабыз.

Хәзер командаларны жюри составы белән таныштырып китәм. Без жюри итеп мәктәбебезнең малайларының әниләрен сайладык.