Зал әдемі газет, фигуралармен безендірілген. Орындықтар үш  қатарға бөлініп,айналдырыла қойылған. Оқушылар үш топқа бөлініп, үшбұрыш,дөңгелек, конусты белгілейтін түсті бас киімдер киіп отыр, Музыка ойналады. 1-ші жүргізуші:  Құрметті достар! «Математика тарихына шолу» атты    кешімізді бастайық. 2-ші жүргізуші: Кешімізде бүгін үш топ білімімен сайысады.Олар:  «Үшбұрыш» тобы, «Шеңбер» тобы, «Конус» тобы. 1-ші жүргізуші:Кеш барысындағы жұмыс ережесімен танысайық. Кештің өту барысы  бес бөлімнен тұрады. Әр бөлімде үш сұрақ.Бір сұрақ көрініс түрінде болады. Әр дұрыс жауап берген сұраққа бес ұпай.Музыка ойналады. 1-ші жүргізуші:     І бөлім   Көрініске көңіл аударыңыздар.Ежелгі Грецияның  киімін киген қыз отыр.Қолында әдемі құмыра ұстаған қара құл   кіреді. Қыз: -құмыраны трапедзионға қой,-дейді. 1-ші жүргізуші:  1-сұрақ.Құрметті достар! «Трапедзион» деген сөздің мағынасы     және оның математикаға қатысы қандай? 2-ші жүргізуші: «Трапедзион» деп  Ежелгі Грецияда үстелді атаған   және осы сөзден «трапеция» деген сөз шыққан.  1-ші жүргізуші: 2-ші сұрақ.Мына Ежелгі Греция атақты әйелдерінің ішінде математик әйел қайсысы? а)Афролита  б)Клеопатра  в)Гипатия г)Афина  д)Аспасия.    2-ші жүргізуші:Ең алғашқы математик әйел Гипатия.Александрия  қаласында 370-415 жылдары өмір сүрген.Ол математика, астрономия, медицина және философияны оқып зерттеген.  Христиан дінінің басшылары оны жат көзқарастағы адам деп танып, таспен ұрып өлтірткен. 1-ші жүргізуші:3 -ші сұрақ.Пифагор мектебі алғаш қай қалада ашылған?  а)Афина    б)Кротон в)Рим         г) Александрия      д)Спарта                                                                         2-ші жүргізуші: Кротон қаласында алғаш Пифагор мектебі ашылған?. 1-ші жүргізуші:Осыменен кешіміздің  І-бөлімі аяқталды.Қай топ алда келе   жатқанын жауап тақтасынан білейік.    Музыка ойнайды.