Мұғалім: Балалар бүгін біз сендермен «Көңілділер тапқыштар клубы» ойын-сайысын 5-6 сыныптар арасында өткізбекпіз. Төрешілер алқасын сайлап, оларды ортаға шақырайық.

Сайыстың шарты: 1) Сұраққа жауап беру үшін 1 минут беріледіү

2)Дұрыс жауап берген командаға 5 ұпай.

3)Дұрыс, бірақ толық емес жауапқа 3 ұпай.

4)Айта алмаған топқа 0 ұпай.

5)Орнында айқайлаған, тәртіп бұзған топтан 2 ұпай кемітіледі.

Ал енді ортаға жүргізушілерді шақырып, сайысымызды бастайық.

1-ші жүргізуші:   Уа, жараңдар, жараңдар,

                              Мына бізге қараңдар!

            Мінеки залда тыныштық,

       Естілмейді дыбыс түк.

         Мұны бізде қоштаймыз,

              Кешіккендерді тоспаймыз.

          Ғылымдардың ғылымы

                           Математика жайында ойын-сайысты бастаймыз!

2-ші жүргізуші:   Жас достарым,

                              Мұны жақсы ұғайық.

                              Математика құрметтеуге лайық,

                              Дүниедегі құбылыстың мәніне

                              Табиғаттың, қозғалыстың бәрін де

                              Мүмкін емес есептерсіз түсіну,

                              Есебіңіз дүние кілті әлі де.

Жүргізушілер екі топты сапқа тұрғызды. Сайыстың шарты бойынша сөз кезегін топтарға беріп, сәлемдесулерін тыңдайық.