Сәлем бердім жалпыңа, Қазақ деген халқыма. Ардақтап өтем атыңды , Бас ием ата – салтыңа.   Тіліңді құрмет тұтамын, Ауасын жұпар жұтамын. Биік болып байрағың, Жайқала берсін бұтағың.     Ұлтым орыс атым менің Таисия, Би билеймін мың бұралып майыса. Әнді де айтып жырға қосам елімді, Өнерімді көрсетемін жарыса.   Мен «Нұрайда«тәрбие алып, оқимын Ұстаздардың айтқан сөзін тоқимын. Балабақшам ең әдемі әлемде, Мына біздер жауқазыны сол нұрдың.   11-ші «Көкпар» деген топтамын, Балалықтың кішкентай бір әлемі. Жер бетінде қазақ тілі әдемі, Осы болды  мына менің ұққаным.   Нұрын шашты «Нұрай«бізге әуелден, Жан тербетер тамаша бір әуенмен. Алдарыңа шықтым бүгін  көрермен, Батыр қызың Әлияның кейпімен.   Әлия батыр ел есінде мәңгілік, Батылдығы тұра берер жаңғырып. Сенің арқаң батыр қызы қазақтың, Арайланып атса әрбір таң күліп.