1- жүргізуші: Қайырлы күн, құрметті қонақтар, ұстаздар, студенттер! Ұлы Отан соғысының аяқталғанына 69 жыл толып отыр. Әрқайсымыз үшін жақын әрі қымбат мереке Жеңіс күні де келіп жетті.  Бұл мерекені лайықты атап өту қазіргі ұрпақтың парызы деп білеміз.

2- жүргізуші:   Жеңіске жету жолында қазақстандықтардың асқан ерлігі мен әскери жанқиярлығы Отан соғысы тарихындағы жарқын беттерге айналды. Ұлы Отан соғысына Қазақстаннан 1 миллион 700 мыңнан астам жауынгер қатысты.  Қазақстаннан құрылған әскери дивизия ең қауіпті жерлерде соғысты. Генерал Панфилов бастаған 28 - ші дивизия жауынгерлерінің аттары Ұлы Отан соғысының тарихына алтын әріптермен жазылған Сондықтан бұл күннің маңызы өте жоғары. Жеңіс үшін шыбын жандарын құрбан еткен бірнеше миллиондаған адамдардың есімдерін есте сақтап, 1418 азапты күн мен түнді болашақ үшін ерен еңбекпен, қайсар ерлікпен өткізгендерін ұмытуға болмайды.