Натюрморт  жанрында сурет салу

Сабақтың мақсаты: оқушыларды бейнелеу өнерінің натюрморт жанрмен таныстыру арқылы, сауатты сурет салуға үйрету, сурет салу заңдылықтарына баулу.

Дамытушылығы: натюрморт жанры туралы білімдерін тереңдету.

Тәрбиелігі: эстетикалық тәрбие беру, еңбексүйгіштікке, ұқыптылыққа тәрбиелеу.

Түрі: дәстүрлі сабақ

Әдісі: әңгімелеу, үйрету, көрсету.

Сабаққа қажетті құрал-жабдықтар: суретшілер шығармалары, сөзжұмбақ,альбом, түрлі түсті бояулар.

Сабақтың барысы: І. Ұйымдастыру кезеңі

ІІ. Үй тапсырмасын тексеру.

Өткен сабақты пысықтау.

1.      Композиция дегеніміз не?

2.      Композициядағы қарама- қарсылық дегеніміз не?

Жаңа сабақ. Өнердің ең құнды түрінің бірі- бейнелеу өнері. Бұл өнер адамының көркемдік ойлау қабілетін дамытып, қызығушылығын арттырады.

Бейнелеу өнерінің қанша түрі бар?  Қайталап еске түсірейікші.

1)      Кескіндеме  2) Графика  3) Мүсін  4) Сәулет өнері  5) Сәндік қолданбалы өнер 

6) Дизайн өнері.

- Ал,енді, мына алдыларыңдағы заттар жиынтығы бейнелеу өнерінің қай жанрына жатады?

- Живопись өнерінің натюрморт жанрына. Живопись өнерінің портрет, пейзаж, натюрморт, т.б. жанрлары бар. Бүгін біз натюрморт жанрына тоқталамыз.

- Натюрморт- өлі затардың жиынтығы деген ұғымды білдіреді.

- Натюрморт- жансыз заттар мен әр түрлі бейнеленген көркем сурет құрылымымен орындалған көркем шығарма болып табылады. Натюрморт- қарапайым, күрделі болып екіге бөлінеді.

    Қарапайым натюрморт екі, үш заттан аспайтын, күнделікті тұрмыста қолданылатын қарапайым заттардан, бұйымдардан тұрады.

Ал күрделі натюрморт көптеген заттардың жиынтығынан құралады.

   Натюрморт  алғаш рет ХVIII ғасырдың басында Голландияда пайда болған. Олар өздерін    қоршаған заттарға сүйсіне қарап, натюрморт орындауды озық үлгіге айналдырды.

    Қазақстан суретшілер арасында А. Ғалымбаеваның ұлттық натюрмортын, мың құбылта бояулармен салған жұмыстарын тамашалауға болады. Сондай-ақ қазіргі кездегі қазақ суретшісі Ботагөз Ақанаеваның натюрмортын атап айтуға болады.

Өзіндік жұмыс. Үстел үстіндегі заттардан натюрморт құрастыру.Қағаз бетінде заттарды орналастыру,орындарын белгілеу,көру нүктесін таңдау – үйлесімділіктің бастапқы негізі болып табылады.Нұсқаның жеке бөлшектері бір – бірімен байланыста болғанда ғана үйлесімділік шешім дұрыс болады.

Сөзжұмбақ шешу.

Сөзжұмбақтың сұрақтары:

1.      Негізгі түсастар (фон)

2.      Суға жақсы еритін бояу (акварель)

3.      Сұйық қара бояу (тущь)

4.      Кеуделік мүсін (бюст)

5.      Бір түсті бояу арқылы орындалған сурет (графика)

6.      Кеңістікте сомдалған көркем шығарма (мүсін)

7.      Әр түрлі материалдарды жапсыру арқылы орындалатын көркемдік жұмыс (коллаж)

8.      Әшекейлі бұйымдар жасайтын адам (зергер)

9.      Бояу езуге арналған тақтайша (палитра)

Сабақты бекіту , қорытындылау:

1.      Натюрморт бейнелеу өнерінің түрі ме  жанры ма?

2.      Натюрморт нешеге бөлінеді?

Бағалау :   Оқушыларды бағалау.

Үйге тапсырма беру. Үй тапсырмасына  натюрморт жанрында сурет салып келу.