Тема. Бүленгән өлешләргә исем бирү. Кулланылган әсәр: Вахит Монасыйпов. “Куркак”батыр. Максат: дидактик: бүленгән өлешләргә исем бирү, әсәрдә күренеп торган һәм күренми торган бәйләнешләрне табу һәм күзгә күренми торган бәйләнеш аша нәтиҗә ясау үстерешле  таркату, гомумиләштерү кебек күнекмәләр үстерү тәрбияви:  кешелекле, ярдәмчел, тәвәккәл булу омтылышы өчен җирлек булдыру.   Дәрес барышы: I.                  Мотивлаштыру – ориентлаштыру этабы. 1.     Психологик уңай халәт тудыру. Кәефләребез яхшы, дәресебезне хәерле сәгатьтә башлап җибәрик. II.               Уку мәсьәләсен кую. - Бүгенге дәрестә “Бүленгән өлешләргә исем бирү” темасын дәвам итәрбез һәм Вахит Монасыйповның әсәрендә бүленгән өлешләргә исем бирербез, күренеп торган һәм күзгә күренми торган бәйләнешләрне табып, нәтиҗә ясарбыз.Игътибар иткәнсездер,мин әсәрнең исемен атамадым. Исемне үзебез куеп карарбыз һәм дәрес ахырында автор биргән исем белән чагыштырырбыз. Әсәрне экраннан укып, дәвамын фаразлап барырбыз. - Балалар, бүленгән өлешкә исем бирү ысулларын искә төшереп китик әле. Гадәттә әсәр ничә өлештән тора? (ике өлештән) ·        I өлешне игътибар белән укыйбыз; ·        “Нәрсә турында? Тагын нәрсә турында?” сорауларына җавап эзлибез; ·         Берләштереп, уртак исем куябыз; ·        II өлешне шулай ук анализлыйбыз; ·        Ике өлеш арасындагы бәйләнешне табабыз; ·        Нәтиҗә ясыйбыз; (Экранда язылып бара)   Дәреснең максаты белән таныштыгыз,үзегез нинди билге алырга телисез шуны дәдтәрегез кырына язып куегыз.