Сабақтың тақырыбы:  Сынып дарабозы(сайыс сабағы)

Сабақтың мақсаты: Оқушыларды білімді, жан – жақты, іздемпаз болуға үйрету. Ойларын еркін жеткізе алуға, логикалық сын тұрғысынан ойлау қабілеттерін арттыру. Оқушыларды озық ойлы болуға тәрбиелеу.

Сабақтың көрнекілігі: интерактивті тақта.

Сабақтың барысы: І.Ұйымдастыру.

ІІ.Оқушыларды ойынға қатыстыру, оларды бөлу.

Жүргізуші: Уа, халайық, халайық!

Бәріне жар салайық,

Бүгінгі кеш төрінде,

Сайыс сабағы елінде,

Шабыт тасып, шалқысып,

Сұрақтарға жарысып,

Жауап тауып аңдысып,

Көңілді кеш жасайық.

-Сайыскерлер өздерін таныстыру.

Сайыскерлерге тілек:

Ғылымның сырын ұғына,

Шығыңдар білім шыңына.

Ұқыптылық пен зеректік,

Серігін болсын бойыңда.

Қадамдарың оң болсын,

Сәт – сапар, сайыс жлында!

Ал, ендеше бастайық.

1 – кезең «Бәйге». Бұл кезеңде Сіздерге 10 сұрақ беріледі. Оларға тез, дұрыс, әрі жылдам жауап беруге тырысыңыздар. Жауабың дұрыс болмаса, келесі бала жауап береді. Әр дұрыс жауап үшін 1 – ұпай алуға болады. Сонымен бәріңізге сәттілік тілеймін!

1.Қазақстан Республикасының мемлкеттік тілі қай тіл?

2.Қазақстан Республикасының астанасы қай қала?

3.Қазақстан Республикасының рәміздерін ата.

4.Қазақтың үш биін ата?

5.Қазақстан Республикасының тәуелсіздің күні қай күн?

6.Балаларды қорғау күні қай күн?

7.ҚР-ның төл ақшасы қалай аталады?

8.Қазақша жыл басы қай айда, қай күні?

9.Мектебіміз қалай аталады?

10.Тілдер мерекесі қай күні атап өтіледі?

Әр кезеңнен кейін оқушы шығарылып отырылады. – 1 оқушы ұпайы аз бала.

2 – кезең. «Дода». Бұл кезеңде сендерге қазақ тілі пәні бойынша сұрақтар беріледі. Сендер қазақ тілін қаншалықты білетіндерінді байқаймыз.

1 – сұраққа дұрыс жауап бергендер 1 ұпай жинайды.

1.Қазақ тілінде алфавитте неше әріп бар?

2.Қазақ тіліне тән дыбыстарды ата.

3.Дауысты дыбыстар нешеге бөлінеді?

4.Дауыссыз дыбыстар нешеге бөлінеді?

5.Қазақ тілінде неше септік бар?

6. «Қамқор» сөзінде неше буын, дыбыс, әріп бар?

7.Ашық буын қалай жасалады?

8.кім? не? кімдер? нелер? Сұрақтарына жауап беретін сөйлемнің тұрлаулы мүшесін ата?

9.Буын түрлерін ата.

10.Көптік жалғауларыд ата?

Ұпайы аз екі оқушы ойыннан шығарылады.

3 – кезең. «Тіл – өнер сайысы». Мұнда мақал – мәтелдердің жалғасын тауып, жұмбақтарды шешу қажет.

1.Жүз теңген болғанша, жүз ... болсын.

2.Дос жылатып айтар, ... күлдіріп айтар.

3.Қыс азығын ... жина

4.Батыр бір өледі, ... мың өледі.

5. ... етсең ерінбей, тояды қарнын тіленбей.

6. Ас атасы - ...

7. Піл көтермегенді, ... көтереді.

8.Созақта бар, арыста жоқ

Қазақта бар, орыста жоқ.

9. Аюда бар, қасқырда жоқ

Оюда бар, басқұрда жоқ

10. Үй үстінде алтын тас

Алайын десем табылмас.

Ұпайы аз екі оқушы шығарылады.

Бәрекелді. Сендердің қаншалықты қазақ тілінде мақал білетіндеріңді көрдік, өте тамаша.

Ендеше келесі 4- кезеңге көшейік. Бұл кезеңде сендер суретке қарап табу, оны аудару.

Мысалы: кітап – книга

Хат – письмо

Доп – мячь

Алма – яблоко

Екі оқушы ойыннан шығарылады. Соңында екі оқушы қалады.

5-кезең «Ақтық кезең». Бұл кезеңде соңында қалған екі оқушының қайсысы ұпайы аз сол ұяшықты бірінші болып таңдайды. Әр ұяшықта әр түрлі ұпай сандары. Егер дұрыс жауап берсең бірден ұпайың көбейеді, ал, егер жауап бере алмасаңдар қарсыласың жауап беруге болады. Яғни, ол дұрыс жауап берсе сол ұпайды иеленеді.

1.     15 ұпайдың сұрағы – ребусты шеш. – «Қазақстан»

2.     15 ұпайдың сұрағы – пазылды дұрыс құра – Тудың суреті

3.     10 ұпайдың сұрағы – бұл кім – Абай

4.     10 ұпайдың сұрағы – қай жыл мезгілі жасырынып тұр – Күз

5.      5 ұпайдың сұрағы – бұл кім – Жамбыл

6.     5 үпайдың сұрағы – қай жыл мезгілі суреттелге - Қыс  

Жеңімпазды анықтау. Ұпай санын есептеу.

Сонымен сайсымыз аяқталды, ұпай саны бойынша қай оқушы ең жоғарғы ұпайды иеленді сол оқушы «Сынып дарабозы» дипломымен марапатталады.

Оқушыларғы сыйлық тапсыру, рахмет айту. Қоштасу.

Назарларыңызға рахмет!