Биылғы 2014 – 2015 оқу жылы «Дінмұхамед Қонаев атындағы № 3 орта мектебі» коммуналдық мемлекеттік мекемесінде ашық сабақ марафоны аясында 7 «а» сыныбында «Реттік сан есім. Азиада – 2011» тақырыбы бойынша ашық сабақ өткіздім. Біз тұратын қала Риддер қаласы. Риддер – спорт қаласы. 2011 жылы Қазақстанның Алматы және Астана қалаларында өткен 7 қысқы шаңғышылар олимпиадасына осы қаладан ғана 12 шаңғышы қатысып алтын және күміс медалдарды жеңіп алды. Сабақ барысында оқушыларға чемпиондардың ішінен Александар Трифонов, Сергей Черепанов, Ольга Дудченко - Полторанина, Инна Можжевитина осы мектептің түлектері екендігі мақтанышпен айтылды. Республикалық, халықаралық, әлемдік деңгейдегі шаңғышылар фестивалі, биатлонистер жарысы, спартакиадалар, шаңғыдан әлем кубогі финалы жыл сайын өткізіліп тұрады. Шаңғышылар Алексей Полтаранин, Сергей Черепанов, Игорь Закурдаев, Александр Трифоновты, биатлонистер Инна Можжевитина, Ольга Дудченко – Полтаранинаны, жеңіл атлетик Михаил Колгановты, олимпиада чемпионы Светлана Шишкина – Малахованы, биылғы жылы Универсиададан алтын медалды олжалаған Анастасия Слонованы мақтаныш тұтамыз. Республикалық спорт мектебінде халықаралық деңгейде спорт шеберлерін дайындайды. Туған қаламның спорт жағынан болашағы өте зор, тіпті шетел инвесторлары да көз тігіп, қызығуда. Олардың қызығулары тектен тек емес, табиғат жағдайына байланысты тау басында қар маусым айына дейін жататындықтан, шаңғышылардың жаттығуына өте ыңғайлы екендігі айтылды. Мәтінде берілген сан есімдерді түрлерін анықтап, реттік сан есім жасалу жолы түсіндірілді, бекіту мақсатында әртүрлі жаттығулар орындалды. Сабақ алға қойған мақсатына жетті. Осы сабақтан алған әсерлерін, жерлес спортшылар есімін оқушылар мәңгі естеріне сақтайды деп ойлаймын. Сабақ әзірлемесін назарларыңызға ұсынып отырмын.

Қазақ тілі мен әдебиеті пәні мұғалімі жоғары санатты Отарбаева Алмаш Чаймардановна