Algebra we analiziň başlangyçlaryndan   gutardyş  synagda iki tarap üçin (çep we sag) bir iş hödürlenilýär, şonuň birinji görnüşini çep tarapda oturan okuwçylar, ikinjisini bolsa sag tarapda oturan okuwçylar ýerine ýetirerler.

    Her tarapdaky 7 sany ýumşuň ilkinji 6-syny okuwçylaryň  ählisi, 7-njisini bolsa diňe matematika çuňlaşdyrylyp okadylýan synplaryň okuwçylary ýerine ýetirmelidir.

    Adaty, tebigy we ynsanperwerlik-durmuş bilimleri ugurlar boýunça okadylan   synplarda ( takyk ugurlar boýunça okadylan synplarda) dogry ýerine ýetirilen dört ( bäş ) ýumuş üçin “3” baha, bäş ( alty )  ýumuş üçin “4” baha,       alty ( ýedi ) ýumuş üçin bolsa “5” baha goýulýar.

Algebra we analiziň başlangyçlaryndan   gutardyş synagynyň ýygyndynyň haýsy işi boýunça geçirilmelidigi Türkmenistanyň Bilim ministrligi tarapyndan kesgitleniler hem-de synag boljak güni telewideniýe, radio üsti bilen habar berler.

Bu ýygyndy boýunça okuwçylar orta mekdebiň matematikasy boýunça gutardyş synaglaryna, ýörite orta hünärmen we ýokary okuw mekdeplerine matematikadan giriş synaglaryna taýýarlanyp bilerler.Matematika mugallymlary okatmak döwründe şu ýygyndydaky ýumuşlardan peýdalanyp bilerler.