"Выдержка из материала:

"Әлифба бәйрәме конспекты һәм диплом турында тасвирлама. Укытучылар игътибарына аз комплектлы мәктәптә уздыру өчен кичә сценарие тәкъдим итәм. Минем класста 5 укучы гына иде. Алдан әзерлек эшләре түбәндәге: төнбоек чәчәкләре ясау 9 технология һәм дәрестән тыш эшчәнлек “Оста куллар” түгәрәгендә эшләдек ), хәрефләр турында табышмаклар туплау, укучылар өйдә әти-әниләре белән берлектә баланың иң ошаткан хәрефе турында шигырьләр һәм табышмаклар әзерләделәр, шулай ук кул эше дә әзерләделәр: рәсем, кисеп ябыштыру, чигү, бәйләү. Аларны стендка урнаштырдык. Укучыларга кызыклырак булсын өчен сәяхәт формасында уздырылды: диңгез буйлап корабта “Белем” илен эзләү, төрле сынаулар үтәү. Бәйрәмне үткәрү максаты: Тырышып укуның кирәклеген исбатлау; күп белергә омтылучанлык, китапка мәхәббәт тәрбияләү, сәнгатьле сөйләм күнекмәләрен, укучыларның сәләтләрен үстерү, гаилә һәм мәктәп арасында мөнәсәбәтләрне тагын да ныгыту, ата-аналарның мәктәпкә килү һәм ярдәм итү теләген дә үстерү. Җиһалау: интерактив такта , плакатлар, төсле кәгазьләрдән киселгән билгеләр, магнитофон, презентация. Бәйрәмне уздыру да җыр укытучысы да ярдәм итте. Кичә бөтен мәктәп алдында уза, әти- әниләр дә килә. Кичәнең эчтәлеге: зур кораб макеты ясалды, укучылар кереп утыралар, төрле утрауларга килеп җиткәч, төшәләр, чыгалар, биремнәрне үтәгәч яңадан кереп утырып сәяхәтне дәвам итәләр. Болай эшләүнең максаты: 1 нче сыйныф укучыларының игътибарын туплау өчен, физминутка – хәрәкәтләндереп алу, укучылар ялыкмый һәм тиз армыйлар, презентация алдан күрсәтелмәде һәм шуңа да укучыларга бик кызык булды.

1. "Корабка исем сайлау. Табышмакларны чишсәгез , исемен дә белерсез. (су өстендә төнбоеклар, артына табышмаклар язылган, хәрефләрдән ӘЛИФБА сүзен төзиләр һәм корабка беркетеп баралар)
2. Белем иленә юл ачучы тылсымлы ачкычны да алабыз, ул безгә ярдәм итәр. (бу ачкыч укучыларга 1 нче сентябрь көнне бәйрәмдә бирелгән иде.)
3. Хәрефләр иле дигән утрауга туктау. яраткан хәрефләре турында өйдә эшләнгән эшләрен күрсәтеп шигырьләр сөйлиләр.
4. Тагын бер утрау Дуслык диеп язылган. Безне бит Әлифба дус-тату булырга да өйрәтте. (утрау исемнәрен презентациядә слайдлардан укыйлар, шулай итеп укучыларның укый белү дәрәҗәсе дә күренә).
5. Бер утрау күренә. “Тапкырлар” диеп атала. Монда кызыклы табышмаклар һәм дәреслекнең эчтәлеген белү дәрәҗәсе дә ачыклана.
6. Бер утрау күренә. “Укучы” диеп атала. Укытучы: Әйтегез әле, сез мәктәптә нәрсәләргә өйрәндегез?
7. Бер утрау күренә. “Туган тел” диеп атала. Туган тел татар теле турында шигырьләр сөйлиләр, җырлар җырлана.
8. Бер утрау күренә. Белем иле диеп язылган.
9. 1 сентябрьдә сезгә бирелгән ачкыч бик ярдәм итте –Белем иленең ишекләрен ачты.

1 сыйныфка керүче балаларга ачкычны бирәләр. Әлифба турында шигырьләр сөйлиләр һәм җырлар җырлыйлар. Ахырдан укучылар бөтен мәктәп һәм әти – әниләре алдында вәгъдә бирәләр. Иң ахырдан безнең мәктәп традициясе буенча укытучы һәм әти – әниләре укучыларга бүләк бирәләр тырышып укыган өчен дип. Шулай ук укучыларга диплом да бирелде (үрнәге бирелә). Һәрбер баланың исем – фамилиясе языла. Аларга бу да бик кызык. Гадәт буенча алар аны 9 нчы сыйныфка кадәр саклыйлар истәлек итеп. Уңышлар сезгә, Укытучылар!

"Музыка яңгырый.

"Укучылар яраткан хәрефләре турында шигырьләр сөйлиләр.
Я хәрефе яшьлектә А хәрефе алмада
Я хәрефе яшәүдә А хәрефе агачта
Я хәрефе бик кирәк А хәрефен яратабыз
Язилә диеп дәшәргә. Өйрәнәбез иң башта.

"Үзе хәреф, Бу мәктәпкә ни булган 
Үзе сан — Мәктәп к белән тулган
Бик аз гына Санасаң. Карандаш, каләм,китап
(3 хәрефе, өч саны) Кайчы,кәгазь һәм картон.

"«Т»—антенна түбәдә:
Бөтенесен күрә, ишетә.
Телевизорныкабызабыз
Мәктәптәнкайтыпкерешкә.

"Җыр: Алфавит
Укытучы: Бу сынауны уңышлы үттегез. Кузгалыгыз юлга.
Капитан: Команда юлга кузгалдык
Музыка уйный.
Капитан:Алда тагын бер утрау,белем иленә килеп тә җиттек микән?
Укучы: Юк, монда бит Дуслык диеп язылган. Безне бит Әлифба дус-тату булырга да өйрәтте.
Һәммәбезнең үз урыны
Барыбыз да кирәкле
Безне Әлифба китабы

"Капитан: Команда юлга кузгалдык
Музыка уйный.
Укучы: Карагыз, кара алда тагын бер утрау күренә. “Тапкырлар” диеп атала.
Укытучы:
Кем зирәк, кем тапкыр икән?
Сынап карыйк әйдәгез!
Сез җавапларны табыгыз.
Без табышмак әйтәбез.

1. "Әлифбадан икенче өйрәнгән хәрефегез нинди?
2. Иң ахырдан нинди хәреф өйрәндегез?
3. Нинди хәрефләр аваз белдерми?
4. Нинди хәрефнең баш хәрефе юк?
5. Агач түгел-яфраклы,
   Тун түгел-тегелгән.(Китап)
6. Мәктәптә һәр көн нәрсәдән башлана? (звонок)
7. Иң көтеп алган вакыт мәктәптә? (тәнәфес)
8. Сумка тотып керәсең. Белем төяп чыгасың. (мәктәп)

Мәкальләр: мин беренче өлешен әйтәм , сез калганын.
1)Минем илем – урманлы ил.
Туган илем – туган анам.
Данның төбе- хөрмәт,
Хөрмәтнең төбе- хезмәт.
Китап – белем чишмәсе

Укытучы: Бу сынауны уңышлы үттегез. Кузгалыгыз юлга.
Капитан: Команда, юлга кузгалдык
Укучы: Карагыз, кара алда тагын бер утрау күренә. “Укучы” диеп атала.
Укытучы: Әйтегез әле, сез мәктәптә нәрсәләргә өйрәндегез?

• Укырга
• Язарга
• Санарга
• Дус,тату булырга
• Җырларга
• Биергә
• Туган илне сөяргә

Ә нәрсә өйрәтте сезне? ӘЛИФБА
ҖЫР: Укучылар маршы