Бирелгән сыйныфтан тыш чара Ватанны саклаучылар көненә багышлана. Ул ир-егетләр арасында, ике командага бүленеп, бәйге формасында уздырыла. Төрле биремнәрне үтәгәндә, егетләргә дус яки сыйныфташ кызлары да ярдәм иткәндә, кичә күңеллерәк үтәчәк.   Чараның максатлары:1.  Намус һәм тугрылык белән яшәү, хезмәт итү, тапкырлык, игътибарлылык, дуслык, бер-береңне хөрмәт итү хисләре тәрбияләү. 2.Егетләрнең фәннең төрле өлкәләре буенча булган белемнәрен сынау, сәнгатьле уку, сөйләм  күнекмәләрен камилләштерү. 3. Мөстәкыйль эзләнү, үз сәләтеңне яхшырту өстендә эшләргә этәргеч бирү.