“Тамақты әзірлеу технологиясы. Салат дайындау, әшекейлеу”

Сабақтың тақырыбы: “Тамақты әзірлеу технологиясы.Салат дайындау, әшекейлеу”

Мақсаты:

1.Оқушының білімін,дүниетанымын кеңейту,өз ойларын тиянақты жеткізе білуге, оқушыларды ұйымшылдыққа,іскерлік,шеберлікке үйрету.

2.Тамақ әзірлеу кезінде тазалық және техника қауіпсіздік ережелерін сақтауға тәрбиелеу. Салат жасау жолдарын және әшекейлеу тәсілдерін үйрету.

3.Оқушылардың логикалық ойлау,есте сақтау,дұрыс сөйлеу дағдыларын дамыту.Алған білімдерін күнделікті өмірде қолдана алуға үйрету .Сабаққа деген қызығушылықтарын арттыру.

Сабақтың көрнектілігі:таблица,плакат,жеміс-жидектер,ыдыс-аяқтар,құралдар.

Көрме:”Қолөнері-ой өнері”,”Күз- ел байлығы”.

Сабақтың түрі:сайыс сабақ.

Пәнаралық байланыс: биология,технология,әдебиет,қоршаған ортамен,күнделікті өмірмен,бейнелеу өнерімен байланыстыру.

Сабақтың барысы:

1.Ұйымдастыру кезеңі.

2.Үй тапсырмасын еске түсіру.

1.Техника қауіпсіздік ережесі:

1. Техника қауіпсіздік ережесін мұқият сақтауды естен шығарма;

2.Сулы қолмен электр тоғын ұстама;

3.Пышақ,шанышқы,қасықтармен ойнама;

4.Пышақты екінші адамға ұсынғанда сабын қаратып бер;

5.Пышақпен жұмыс істегенде абай бол;

2.Тазалық талаптары:

1.Отырған орнымызды таза,жинақы ұстау;

2.Әрбір оқушының өзінің алжапқышы,бас ормалы болуы керек;

3.Салат жасар алдында қолымыз жуылып,тырнақ болмауы керек;

4.Жасайтын салаттың көкеністері және ыдыстары,құрал-жабдықтар таза болуы керек;

5.Столда дастарқан болуы керек;

6.Қажетті заттарымыз дастарқан үстіне қойылып,мұғалімнің рұқсатымен басталып жасалады;

3.Оқушыларды екі топқа бөліп,ат қою.

І-топ “Қиял” тобы.

ІІ-“Ажар”тобы.

Сайыс шарттары

1.Топтың аты.

2.Пайдалы кеңестер.

3.Салатты әшекейлеу.

4.Салатқа ат қойып,қорғау.

5.Жұмбақтар шешу.

6.Ас туралы мақал-мәтелдер.

7.Көрме ”Қол өнеі-ой өнері”,”Күз-ел байлығы”.

8.”Өзіңді-өзің емдей біл”ақыл-кеңестер.

4.Топтар салатты турап,дайындағанша әр топтан бір оқушы шығып,«Пайдалы кеңестер» туралы мағұлмат береді.

І-топ

1.Сүтті пісіргенде азырақ қант қосса,ыстық күндері ашымай,бірнеше күн сақталады.

2.Шайды тым ыстық күйінде ішкен организм үшін өте зиян.

3.Жұмсақ ыстық нанды пышақты 1-2 мин ыстық суға батырып алып тураса,әдемілеп кесіледі.

ІІ-топ

1.Картоптың қабығын аршып,оны үккіштен өткізіп,бетіңізге маска жасап жағасыз.15мин. кейін жуып тастасаңыз бетіңіз ағарды,әрі әжім түспейді.Күніне 1рет.

2.Сәбіз,картоп,пияз аршығанда қол сарғайып кетеді.Сондықтан да жұмысқа кіріспес бұрын қолды асханалық сірке суына батырылған шүберекпен сүртіп алу керек.

3.Пияз,әсіресе,сарымсақ аршығанда қолда иісі қалып көпке дейін кетпей қояды. Сондықтан әуелі құрғақ тұзбен ысқылап,содан кейіе жылы сумен жуу керек.

Әр топтан өздері жасаған салатқа ат қойып,қорғайды:

1.Салат құрамы.

2.Дайындау әдісі.

Жұмбақтар шешу

1.Көктемде ақ гүлге оранады,

Күзде қолға доп болып оралады.(Алма)

2.Қос құлағы қалқайып,

Су ішкен сайын марқайып.

Күн ысыса тон жинайды,

Доп болғанда ел жинайды.(Капуста)

3.Бұйра тұлымы,

Желмен ойнайды.

Қызыл мұрны,

Жерге байлайды.(Сәбіз)

4.Сырты жасыл қап-қатты,

Іші қызыл,тәп-тәтті.(Қарбыз)

5.Қалың киім ұнатады,

Шешіндірсең жылатады.(Пияз)

6.Қауын қарбыз дей алмаймыз ,

Піскенімен жей алмаймыз.

Жарғаныңмен қап-қатты,

Ал асқанда тәп-тәтті.(Асқабақ)

Ас туралы мақал-мәтелдер

1.Ас адамның арқауы.

2.Жаман ауруға жақсы ас.

3.Асың барда ел таны,

Атың барда жер таны.

4.Ет етке,сорпа бетке.

5.Айран ішсең,ас болады.

6.Аc атасы-нан.

7.Асқа барсаң,аш бар.

Тойға барсаң,тойып бар.

8.Асы бар аяқ-әдемі.

9.Ас – елдің құты.

10.Жылқы етін жесең тісіңе кіреді,

Жемесең түсіңе кіреді.

11.Ас иесімен тәтті.

12.Ас тұрған жерде ауру тұрмайды.

13.Ас үстінен аттама,

Астан үлкен емессің.

14.Жиен ел болмас,

Желке ас болмас.

15.Жақсы ас қалғанша,

Жаман қарын жарылсын.

Өзіңді-өзің емдей біл.

Енді біз сіндерге өзіңізді дәрісіз емдеуге ақыл-кеңестер береміз.

1.Бас ауырғанда жас капустаның жапырағын шекеңізге,самайыңызға жағып қойсаңыз тез жазыласыз.

2.Шалқанның сөлін бір ас қасықпен күніне 3рет ішсе тұмауды,бауыр,бүйрек,асқазан ауруларын тез жазады .

3.Ұлтабардың ойық жарасын жазу.Бұл жараны операция жасап алып тастау міндетті емес.Күн сайын шикі капустаны үзбей және ұзақ уақыт жесеңіз,одан оңай құтылуға болады.Бұған үгітілген жас сәбізді қоса қолдансаңыз,емнің нәтижелілігі арта түседі.Егер ішек жолдары ауырып,қатты мазаласа,оған абыржымаңыз.Бұл емнің қонған белгісі.

4.Өріктің құрамында А, С, В витаминдері бар.Сондай-ақ өрік калий тұздар мен темірге бай.Өрік қан тамырлары,жүрек,бүйрек ауруларына пайдалы.Өрік құрамындағы темір қаны азайған адамдар үшін өте пайдалы.

5.Алма С,В, Р(рутин),Е витаминдеріне бай.Алма склерозға қарсы бірде-бір ем.Алманы ішек ауруларына,жүрек,бүйрек,гипертония,семіздік,қан азаю ауруларына ем ретінде жеуге болады.

6Құяң,ревматизм ауруларын емдеу үшін қайың ағашының жапырақтарын қайнатып,күн сайын жатарда булану керек.10күн жасап,5-6күн демалып,емді қайтадан бастап,барлығы 30 ванна алса,құлан таза жазылып кетесіз.

“Күз-ел байлығы” оқушыларды салып әкелген суреттері бойынша сөйлету.

Көрме: «Қол өнері-ой өнері»

Сабақты қорытындылау:

1.Көкеністердің адам өміріндегі маңызы қандай?

2.Витаминге бай көкеніс қайсысы?(Алма)

3.Құрамында суы көп көкеніс қайсысы?( Қияр)

11.Бағалау.

12.Үйге тапсырма.