Тақырыбы: «Елбасы – ел перзенті»

Мақсаты:

-        Оқушыларға Қазақстан Республикасының Президенті Нұрсұлтан Назарбаев туралы жан – жақты түсінік қалыптастыру;

-        Жеке тұлғаның зияткерлік дамуын өз бетінше іздену, оқу арқылы қалыптастыру, жеке тұлғаның зерттеушілік және шығармашылық қабілетін дамыту;

-        Елбасының халқына сіңірген еңбегін, ерлігін, жүргізген саясатын үлгі ету, оқушылардың бойына құндылықтарды сіңіріп тәрбиелеу.

Әдісі: ауызша баяндау, ой-толғау, тірек - сызбалармен жұмыс, презентация.

Көрнекілігі: «Әлемдік деңгейдегі саясаткер» тақырыбында көрме. Қабырға газеттер, сурет көрмесі, презентацияға арналған проектор, «Қарт сөзі» видео клипі,

 ҚР Мемлекеттік Гимні орындалды

Видеопроектор арқылы ҚР тұңғыш Президенті күніне арналған жоба көрсетіледі.

Кіріспе сөз:

Құрметті, оқушылар, қысқа ғана жоба бағдарламасынан аңғарғандарыңыздай,бүгінгі дөңгелек үстел шарасы ҚР – ның Тұңғыш Президенті күніне арналып отыр.

Нұрсұлтан Назарбаев – мемлекетімізді орнатып, оны қалыптастырып, экономикасын реформалау арқылы өзін де, елін де әлемге мойындатқан заманның аса дарынды тұлғасы. Аумалы – төкпелі алмағайып заманда мың өліп, мың тірілген қазақ үш ғасыр бойы іздеген мұратына да, арманына да Н.Ә.Назарбаев тұсында жеттік. Билік тізгінін қолына ұстаған жылдардағы президентіміздің жарқылдаған келбетін, биік болмысын, кемел дарынын, ел басшысы ретінде көсемдік қасиеттерін бүгінгі ұрпақ жақсы білуі тиіс.

Н.Ә. Назарбаев – ұлттық дәстүрде тәрбиеленген, халқының бар қадір-қасиетін бойына жинаған, тілін, тарихын, мәдениетін, әдет-ғұрпын, салт-дәстүрін жетікбілетін, ұлтын жан-тәнімен сүйетін, оның мәртебесін өсіріп келе жатқан, халқының үмітін, сенімін ақтап келе жатқан ұлтжанды азамат;

- қалың елінің жанашыры, мұңдасы, тағдырласы;

-қорыққанға қорған, тарыққанға пана, зарыққанға сана бола білетін шын перзенті;

-алдағыны болжай білетін, ертенгісін де оза ойлай білетін көсем;

-елдің жүгін көтере келе жатқан елдің қара нары;

-халықаралық қауымдастыққа кеңінен танылған, өркениетті басшыларымен терезесі тең, сөйлескенде сөз алатын, егескенде еңсесін басатын, елдескенде мейірімін шашатын сарабдал саясаткер;

Ой қозғау стратегиясы.

Қазақстан  Республикасының Президенті Н.Ә.Назарбаевтың өмірі мен қызметі, саясаттағы, экономикадағы, мәдениеттегі атқарған игі істерін талдау үшін зерттеуші оқушыларға сөз кезегін береміз.

1.     Балалық шаққа саяхат

1-     Оқушы / Әтебай Эльмира/.

Мемлекетіміздің Тұңғыш Президентінің балалық шағын «Балалық шағымның аспаны»  кинотуындысы негізінде баяндағым келіп тұр.

  Өткен жылы талантты режиссер Рүстем Әбдірашов Нұрсұлтан Назарбаев шығармашылығының желісі  бойынша «Балалық шағымның аспаны» атты кинотуындыны жарыққа шығарды. Бұл фильмде Елбасының дүние есігін ашқан кезінен  азамат шағына дейінгі өмірі бейнеленген. Бір перзентке зар болған ерлі – зайыптылардың әулие аралап жүріп, шекесі торсықтай ұлды болуы баяғы батырлар жырының үзіндісі секілді.

Бағзы заманнан келе жатқан  осы дәстүрмен Әбіш әкей мен Әлжан шешей Райымбек бабаның басында түнеп, Алладан перзент беріун тілейды. Сол түні түс көрелі. Түсінде теңіз түбінен көмкерілген ұзын мылтықты мойнына салып шығады. Бұл түсті ел ішінде қарт сәуегей :«Ұлды боласың. Ұлыңның ғұмыры ұзақ, бірақ күреспен қиыншылыққа толы болады», - деп жориды. Көп уакыт өтпей, Әлжан ана құрсақ көтереді. Айы-күні жетіп, дуниеге Нұрсұлтан келеді. Ауыл адамдары еркелетіп,оны қысқаша Сұлтан деп атайды.

Сұлтанның балалық шағы Сталиннің қатал саясаты орныққан жылдармен тұспа-тұс екен. Сол кезде қазақ жеріне өзге ұлт пен ұлыстың көп келе бастайды. Бұл кісілерге Әбіш әкей қайырымдылық танытып, төрін  ұсынады. Әбіш екей көрші Шаповаловтар отбасыме жақсы қарым-қатынаста болады. Бірде Сұлтан «алма жеймін» деп қиғылық салады. Қыстың қаһарына қарамай, әкесі баласының өтінішін жерге тастамай, сол орыс отбасынан сұрап әкеоіп береді.

Сұлтанның кішкентай кезін  -  Елжан Әлпиев, ал бозбала шағын актер Нұрлан Әлімжанов сомдайды. Әбіш әкейдің жас кезін – актер Ержан Жарылқасын, ал егде тартқан кезін Қазақстанның халықаралық әртісі Нұржұман Ықтымбаев ойнаған. Әлжан ананы – жас актриса Алмагүл Әлішева, ал қартайған сәтін атақты киножұлдызы Наталья Арынбасарова асқан шеберлікпен кейіптеген.

Фильмде Нұрлан Әлімжан ат құлағында ойнайтын ер жігіт ретінде ерекше танылады. Көкпар тартқанда өз қатарластарына дес бермейтін Сұлтан бала күнінен ұшқыш болуды армандайды. Оның аспанға деген құштарлығы өзі туып өскен Үшқоңыр жайлауының аспанында әрі-бері қалықтаған ұшақтарға қараудан бастау алады. Бала Сұлтан қолдарын екі жаққа созып жүгіргенде, өзін аспанда жүргендей сезінеді. Ол авиация саласы бойынша оқуға қабылданады. Бірақ Сұлтан отбасын жалғыз тастап кеткісі келмейцді. Оның бұл арманына ата-анасы қарсы емес еді. Фильмде отбасындағы бірлік, балаға деген ата-ананың махаббаты, кеңестік дәуірде өмір сүрген жандардың өмірі кеңінен суреттелген.

Сондай-ақ, бұл фильмнен алынған саундтрек үзінділері Муз АРТ тоьбының «Қарт сөзі» видеоклипнде көрініс тапқан. Осы клипті назарларыңызға ұсынамыз.