Пән: Информатика                                                                                              

Пән Мұғалімі: Махмет Іңкәр Келденқызы

Тақырыбы:                         Тізім құру. Дата мен уақытты енгізу.

Сабақ мақсаты:      а) Құжат құру кезінде тізім құру тәсілдерін, дата мен уақытты енгізуді, арнайы символдарды енгізу әдістерін меңгерту.

                                   Б) Оқушылардың құжат құруда аталған мүмкіндіктерді қолдану дағдыларын қалыптастыру.

В) Оқушыларға құжатты талғамға сай безендіруді, іскер құжаттарды құра білуді меңгерту.

Сабақ көрнекілігі:  Практикалық жұмыстар жазылған карточкалар.

Сабақ түрі:               Дәстүрлі

Сабақ әдісі:              Практикум элементтері бар түсіндірмелі көрнекілікті

Сабақ типі:              Жаңа білімді меңгерту сабағы.

Сабақ барысы:                   Ұйымдастыру кезеңі

                                   Үй тапсырмасын тексеру

                                   Жаңа сабақ түсіндіру

                                   Жаңа сабақты бекітуге тапсырмалар беру.

                                   Үйге тапсырма

                                   Сабақты қорытындылау

Сәләматсыңдар ма?

Үй тапсырмасы Формулалар редакторы. Құжатқа формула енгізу жолдары.

Сұрақтар:

1.      Құжатқа формула енгізу үшін қандай команда орындаймыз?

2.      Формула енгізу батырмасын құралдар тақтасына қалай қосуға болады?

3.      Формула енгізу редакторын қалай қосымша орнатуға болады?

Жаңа сабақ: Тізім құру. Дата мен уақытты енгізу.

Құжат безендіру кезінде номерленген және маркерленген тізімдерді оңай қолдануға болады. Символ  диалог терезесі арқылы тізімге қолданылатын белгі түрін өзгертуге болады.

Word-та тізім құру өте қарапайым түрде іске асырылады. Егер тізім саннан басталып тұрса, Enter пернесі басылған соң, келесі абзац  автоматты түрде номерленеді. Ал тізім (*) белгісінен басталса, келесі абзац (*) белгісінен басталатын болады.

Дайын текстке номерлеуді қою  үшін номерленетін абзацтарды белгілеп, форматтау тақтасындағы Список батырмасын шертеді.

Ал маркерлеу үшін Маркеры батырмасын шертеді.

Тексті енгізуден бұрын номерлеуді қолдану үшін, Список батырмасын басып қоюға болады. Егер номерлеуде әріптер қолданылатын болса, 1 цифрының орнына А әрпін салса жеткілікті. Келесі абзацтар В,С, т.с.с. жалғасып кете береді.  Егер бірінші абзацты І әрпімен белгілесе келесі абзацтар рим цифрларымен номерленеді.

Номерлеу мен маркерлеудің форматын өзгерту.

Номерлеуді немесе маркерлеуді қосқан кезде стандартты маркерлер мен қатар аралық, символ мен текст аралық, сан мен текст аралық интервалдар үнсіз келісім бойынша қойылады. Бұл параметрдің бәрін де артынан қажетіне қарай өзгертуге болады. Егер тізім енгізілген болса, оны алдымен белгілеп, Формат-Список командасын орындайды. Список диалог терезесі ашылады. Бұл терезеде Маркерленген, Номерленген, Көпдеңгейлі қосымшалары бар. Әрбір қосымшаны ашып, қажет стильді таңдауға болады. Бірақ таңдау бұнымен тоқтап қалмайды. Бұл стильдерді әрі өзгертуге болады. Маркерленген тізімде  өзгертетін стильді таңдап, Изменить батырмасын шертеді. Ашылған терезеде, маркер түрін, маркердің орналасуын, текстің орналасуын беруге болады.  Ал шрифт батырмасы арқылы маркердің түрін өзгертуге болады.

Номерленген тізіді өзгерту де осыған ұқсас жүреді. Өзгешелігі мұнда тізімді 1-ден өзге цифрдан да бастауға болады.

Арнайы символдарды қолдану.

Іскер құжаттарда көптеген стандартты пернетақтада жоқ символдар қолданылады. Көбіне оларды пернетақталық символдармен алмастырады. Бұл арнайы символдарды пернетақтадан немесе Вставка-Символ командасын орындап енгізуге болады. Құжатқа символды енгізу үшін қажет символды таңдап, Вставить батырмасын  шертеді. Арнайы символдар Специальные символы қосымшасында орналасқан. Көп қолданылатын арнайы символды автозамена тізіміне қосып қою үшін,  оны таңдап, Автозамена батырмасын шертеді. Қажетті символмен ауысатын символдық жолды енгізіп, Добавить батырмасын шнретеді.

Уақыт пен датаны енгізу.

Құжатқа дата мен уақыттың 17 түрлі форматын қолданып енгізуге болады. Вставка-Дата и время командасын орындап, Дата и время терезесін ашып аламыз. Ашылған тізімнен қажетті форматты таңдаймыз. Егер құжат ашылған сайын дата мен уақыт жаңартылып, өзгеріп тұруы керек болса, Обновлять автоматически жалаушасын орнатады. Мұндай жағдайда  дата мен уақыт текст түрінде емес, өріс түрінде енгізілетін болады.

Аталған әдістер компьютерде демонстрацияланып, көрсетіледі. Оқушылардың сұрақтарына жауап беріледі.

Үйге тапсырма:  лекцияны оқып келу.

Сабан аяқталды

Сау болыңыздар.