Чыгыш «Укучыларда татар телен өйрәнүгә ихтыяҗ тәрбияләүдә түгәрәкләр эшчәнлегенең роле» . Телләрне үзләштерү өчен иң кулай чор, билгеле булганча, ул балалык вакыты, мәктәптә уку еллары. Шуңа күрә мәктәпләрдә башка милләт балаларына да дәүләт телләрнең берсе – татар телен өйрәтү өчен шартлар тудырып, аларны кызыксындырып, дәресләрне генә түгел, дәрестән тыш чараларны да тиешле дәрәҗәдә үткәрү зарур. Чыннан да рус телендә сөйләшүче балаларны татар теленә өйрәтүдә, иҗади сәләтләрен үстерүдә класстан тыш чараларның әһәмияте гаять зур. Без, 5нче мәктәп укытучылары, әдәби-музыкаль кичәләр үткәрү, әкиятләрне сәхнәләштереп күрсәтү, күренекле шәхесләрнең туган көннәрен билгеләп үтүгә зур игътибар бирәбез.