«Алтын күз»

Мақсаты: Бақшамызда өткізіліп жатқан «Алтын күз» мерекесіне ұйымшылдықпен қатыса отырып, күз-байлық, күз-береке, күз-молшылық, күз шаттық, күз-қуаныш екенін бала санасына жеткізу.

   Табиғи материалдардың өмірге қажеттілігін және оны қолдану жолдарын үйрету. Табиғатты аялауға, ұқыптылыққа дағдыландыру, әсемдікті сезінуге тәрбиелеу.

   Көрмеге балалардың аналарымен жасаған жұмыстары қойылады.           Әділ-қазылар тағайындалады.

1 жүргізуші: Қайырлы күн, құрметті қонақтар, ата-аналар, және «Айгөлек» шағын орталығының бүлдіршіндері! «Алтын күз» мерекесіне қош келдіңіздер.

2 жүргізуші: Бәрекелді, мерекелі алтын күз құтты болсын.

Нұрислам : Ән салыңдар күліңдер,

                    Жайнап гүлдей жүріңдер.

                    Күздің тойын тойлайық

                    Би билейік, ойнайық.

        Көркем : Күздің қазан айында,

                         Алма, алмұрт піседі.

                         Жапырақтар сарғайып,

                         Сыбдыр-сыбдыр етеді.

Бейбарыс:    Алтын, сары, қызыл, көк

                        Алуан-алуан жапырақ

                        Күзгі бақта күлімдеп

                        Көз тартады атырап.

Ерқанат:  Сарғайды тоғай

                   Сап-сары маңай

                   Соңғы әнін айтып

                   Құс кетті қайтып.

Қ.Индира:  Айнала жым-жырт,

                      Көк аспан сұрғылт.

                      Жер жыртқан тыңда

                      Трактор қырда

Бақдәулет:  Жапырақ ұшты,

                      Суықта түсті.

                      Сонда да бізге

                      Қызық көп күзде

1 жүргізуші: Келесі өнер көрсететін шағын орталығымыздың кішкентай бүлдіршіндерінің орындауында «Құстар» вальсі.

2 жүргізуші: Күз мерекесіне арналған «Мақта қыз» ертегісінің қойылымын көріңіздер.

Аруна:Қарашы,күз келді,күз  келді.

          Сары алтын жауыпты іздерді.

          Құс  біткен  керуен  тізеді.

          Көңілсіз  еткен  күз енеді

Айлуна: Санай бер,

               Қарай бер

               Бояуы  жүз

               Келді  күз.

Нұралы: Көкөністі көп  ектік,

                Өссін,  піссін  деп ектік

                Көктемде  еккен  көкөніс

                Күзде  берді  көп  өніс.

Әсель: Берекесін  сыйлауға,

            Өлкемізге  күз  келді.

            Жемістерін  жинауға,

            Шақырады  біздерді

Жаннұр: Алтын,сары, қызыл  көк

                  Алуан-алуан  жапырақ.

                  Күзгі  бақта  күлімдеп.

                  Көз  тартады атырап.

Айсұлу: Таудан салқын жел соқса,

               Сыбдырлайды  қалтырап.

               Жақын  қалды  желтоқсан,

               Жабырқайды  жапырақ

Ерлан: Күншуаққа  маужырап,

              Жатыр  еді  атырап.

              Ағаштардан  жамырап,

              Ұшты  кенет жапырақ. 

1 жүргізуші: Суретшілер, ақын-жазушылар, компазиторлар өз ойларын әр түрлі жолдармен түсіндіреді. Әрбір суретші күз мезгілін қылқаламдармен әр түрлі сурет салу арқылы бейнелейді,. Ал ақын-жазушылар өз ойларын өлең жолдарымен жазады. Компазиторлар өздерінің күз мезгілі туралы ойларын музыка арқылы жеткізеді. Бүгінгі біздің «Алтын күз» мерекемізде күз туралы ойларын ата-аналар мен балаларымыз қалай жеткізе білді екен? Ата-аналар мен балалардың жұмыстарымен таныстыра кетсек.

     Жасалған жұмыстарды бағалауды әділ-қазыларға тапсырамыз. Әділ шешім қабылдап, бағасын бергенше  ортада әсем қыздарымыздың орындауында «Жапырақтар» биін тамашалаңыздар.

Нұрасыл: Алма, өрік қамбаларға,                                                          Толтырды әкеп алтын күз.                                                            Шәкірт болып парталарға,                                                         Отырды келіп алтын күз.

Инабат:    Бұлт болып та Алатауға,                                                                Байланыпты алтын күз.                                                                  Дастарханда таба нанға,                                                                        Айналыпты алтын күз.

Шыңғыс: Үйрек-үйрек, қаздары,                    Шулайды көл қоғалы.           Дәурен өтіп жаздағы,     Күздің желі соғады.

Индира: Ой, балалар, балалар,       Қоңырқай күз болыпты.      Қурап жапырақ солыпты,  Ел егінін орыпты.

Сандуғаш: Ұшты талдан жапырақ,   Сары көбелек секілді.   Аспанда жай шатырлап,   Тамшы жерде секірді.

2 жүргізуші: Бүгінгі мерекеге арналған бүлдіршіндеріміздің өнерлері осындай, келесі кезекті әділқазыларға береміз.                                                            3 орын –                                                                                                                                   2 орын –                                                                                                                         1 орын –                                                                                                                     Бас жүлде –

Жүлделеріңіз құтты болсын. Жеңісті күндерде кездескенше сау болыңыздар.