Эсседә мин кечкенәдән үк укытучы булырга хыялланганымны яздым. Балаларны үз яныма җыеп, аларга дәресләр биргәнем әле дә хәтеремдә. Укытучы һөнәре алгач, беренче елны ук үземнең алдыма татар теле һәм  әдәбияты дәресләрендә укучыларга ныклы белем һәм тәрбия бирүгә комплекслы якын килеп, аларда аңлылык, милли үзаң формалаштыру, милли әдәбият һәм сәнгать аша әхлакый-эстетик сыйфатлар тәрбияләү, аларны  җитештерүчән хезмәткә әзерләү, белемнәрне үзлекләреннән тулыландыра белү, грамоталы һәм зыялы шәхес тәрбияләү бурычы куйдым.  Укучыларымның татар теле һәм әдәбияты буенча белем һәм күнекмәләренең ныклы булуына ирешергә тырыштым. Дәрестә мөстәкыйль үзләштерү өчен, материалны дөрес сайлый белергә өйрәтәм. Заман таләбе кушуы буенча, укучыларның компьютерлар технологияләренә булган кызыксынуларын истә тотып, татар теле, әдәбияты дәресләрендә һәм  сыйныф сәгатьләрендә информацион технологияләрен кулланырга өйрәндем.