Мүмкіндігі шектеулі балаларды оқыту және тәрбиелеу күрделі әлеуметтік, педагогикалық проблемалардың бірі. Себебі, дамуында кешеуілдеуі бар балаларды (есту немесе сөйлеу қабілеті бұзылған және т.б.)  оқыту және тәрбиелеу  басқа балалармен салыстырғанда   ерекше екенін ескеру қажет, бұл балалардың білім алу қажеттіліктерін арнайы, яғни коррекциялық бағыт арқылы қанағаттандыруға болады. Бүгінгі таңда облыстық есту және сөйлеу қабілеті бұзылған балаларға арналған мектеп-интернат-кешені Батыс Қазақстан аймағындағы есту және сөйлеу қабілеті бұзылған балаларды 4 жастан бастап тәрбиелейтін бірден-бір мектеп. Мектеп-интернат-кешенінде үздіксіз білім беру жүзеге асырылады: балабақша- негізгі мектеп-бастапқы кәсіптік білім беру.