Сабақтың тақырыбы: Азық-түлік дүкенінде

Мақсаты:Фонетика саласы негізінде алған білімдерін еске түсіре отырып, оқушыларға тақырыпқа байланысты жаңа сөздерді меңгерту.

Білімділік. Фонетикалық талдауды еске түсіру, мәтін бойынша сұрақ құрастыра білу, сурет бойынша сөйлем құрастыра білуге үйрету.

Дамытушылық. Сөйлету, ойлау арқылы оқушылардың ой-өрісін кеңейту, өз ойын еркін жеткізу дағдысын жетілдіру, ауызекі сөйлеу дағдыларын, логикалық ойлау қабілеттерін дамыту.

Тәрбиелік. Тілге деген қызығушылығын арттыру, топтық жұмыс арқылы достық қарым-қатынасқа, сыпайы болуға тәрбиелеу.

Сабақтың түрі: жаңа сабақ.

Сабақтың әдісі: түсіндіру, сұрақ-жауап, топпен жұмыс;

Сабақтың көрнекілігі:слайдтағы азық-түлік суреттері, конверт, карточкалар, житондар, ас туралы мақал-мәтелдер.

Пәнаралық байланыс: орыс тілі, ағылшын тілі

Сабақтың барысы:

І.Ұйымдастыру кезеңі. Оқушылармен сәлемдесіп, түгендеп, топқа бөлу, оқу құралдарының толықтығы, оқушылардың көңіл-күйі, оқушылар назарын сабаққа толық аудару.

Үйге қандай тапсырма берілді?

ІІ. Үй тапсырмасын тексеру.

ІІІ. Жаңа сабақ.

- Балалар, айтыңдаршы дастарқанның сәні не? Дұрыс айтасыңдар. (мұғалім слайдтан нанның суретін көрсетеді)

- Адамдардың сүйіп ішітін сусыны не? Дұрыс айтасыңдар. (мұғалім слайдтан шайдың суретін көрсетеді)

- Шай дәмді болу үшін шайға не қосады?

Дұрыс айтасыңдар. (мұғалім слайдтан сүттің суретін көрсетеді)

- Шайымыз тәтті болу үшін не қосамыз?

Дұрыс айтасыңдар. (мұғалім слайдтан қанттың суретін көрсетеді)

- Осы тағамдарды біз қайдан сатып аламыз? (дүкеннен)

- Қандай дүкеннен? (азық-түлік).

- Дұрыс, азық-түлік дүкенінен сатып аламыз. Ендеше бүгінгі сабақтың тақырыбы «Азық-түлік дүкенінде» деп аталады. (Слайдтан сабақтың тақырыбы көрсетіледі)

Оқушыларды сабақтың мақсатымен таныстыру. Тақтадағы плакатқа көңіл аудару.Слайд «Азық-түлік дүкенінде»

Жаңа сөздер: (хормен оқу, жеке оқу, жатқа оқыту)

Сөрелер – полки

Тамақ түрлері – виды еды

Келесі апта – следующая неделя

Өлшеңіз –взвесьте пожалуйста

Барды – ходили

тізім – список

Қуанды-радовался (-лись)

Сапа –качество

беріңізші- дайте пожалуйста

барлығының құны – стоимость всего

тағы не аласыз? - что еще возьмете?

таңдап алды- выбрал(-а, -и)

Сөздік дәптермен жұмыс

Әр топтан бір оқушыдан келіп, конвертке салынған тапсырманы таңдап алады.

І топ . 1-тапсырманы орындайды. Диалогты оқып, өз түсінгендерін айту.

ІІ топ.2- тапсырманы орындайды. Мәтінді оқып мазмұндау. Сұрақ құрастыру.

ІІІ топ.5-тапсырманы орындайды. Сурет бойынша сөз тіркесін, сөйлемдер құрастыру.

Әр топтың тапсырмасын тексеру.

(Тапсырманы жақсы орындаған топ 3 житон, екінші орындаған 2, үшінші орындаған 1 житон алады.)

Тақтамен жұмыс.4-тапсырма. Келесі сөздерге фонетикалық талдау жасау:

Үш топтан үш оқушы шығып, фонетикалық талдау жасайды.

Сөреден, ірімшік, шұжық

(Тапсырманы бірінші және дұрыс орындаған топ 3 житон, екінші орындаған 2, үшінші орындаған 1 житон алады.)

«Адасқан әріптер» ойыны. Әр топ жасырылған сөзді шешуі керек.

Ө с р е р е л - сөрелер

А т қ а м - тамақ

р і м і к ш і – ірімшік

н е к ү д – дүкен

ұ м ғ а і м л - мұғалім

ышуқо - оқушы

Сабақты бекіту: Мұғалім оқушыларға карточкалар таратады, оқушылар алған білімдерін пайдалана отырып, дұрыс-бұрыс жұмысын орындайды.

Сөйлемдер дұрыс бұрыс

Азық-түлік дүкенінде нан, қант, шай, сүт сатылмайды. -

Азық-түлік дүкенінде нан, қант, шай, сүт сатылады. +

Азық-түлік дүкенінде киімдер сатылады. -

Сен азық-түлік дүкенінен қант, нан, кәмпит сатып алдың. +

Ол азық-түлік дүкенінен қалам, дәптер сатып алды. -

Әжем азық-түлік дүкенінен айран, қаймақ сатып әкелді. +

Әр топ кезекпен сөйлемдерді оқып, дұрыс-бұрыс екендігін айқындайды.

Рефлексия. 1.Бүгін қандай тақырып өттік?

2. Азық-түлік дүкенінде нелер сатылады?

3. Сабақ сендерге ұнады ма?

Үйге тапсырма: «Азық-түлік дүкенінде» тақырыбына 5 сөйлем құрастыру, жаңа сөздер.

Бағалау.