Д 1. Белемнәрне актуальләштерү. Белемнәрне актуальләштерү өлешендә тест формасында һәм карточкалар ярдәмендә биремнәр эшләнде. Теоретик материал практик күнегүләр белән ныгытылды. 2. Төрле дәрәҗәдә дифференциаль якын килү. Һәр балага төрле авырлыктагы сораулар бирдем. Сорауларны максатчан төзергә тырыштым, алар укучыларның математик сөйләм телләрен үстерүгә, фәнгә карата кызыксыну уятуга корылган. Сорауларга җавап биргәндә укучының сүзлек запасы байый, үз-үзләрен тотуы камилләшә. 3.Белемнәрне системалаштыруны тәэмин итү. Бүгенге дәрестә,үткән дәресләрдә бирелгән белемнәргә һәм өй эшләренә таянып, системалы рәвештә эш алып барылды. Дәрес буе укучыларның фикерләрен стимуллаштыра, теләк уята торган сораулар яңгырады, нәтиҗәләр чыгарылды. 4. Махсус белем һәм күнекмәләр бирү. Дәреснең һәр этабында теманы яктыртырга тырыштым. Укучыларның җавапларын тыңлап һәм тулыландырып һәр этапка нәтиҗә чыгарып барылды. 5. Дәреснең нәтиҗәлелеге. Дәреснең нәтиҗәлелеге укучыларның җавапларыннан күренде. Укучылар дәрестә актив катнаштылар. Үз фикерләрен белән уртаклаштылар,бер-берсенә киңәшләрен бирделәр. Алар математика дәресләрен һәрвакыт көтеп алалар. 6. Укучыларның белем һәм күнекмәләренә дөрес бәя бирү. Дәрестә укучыларның җавапларын тыңлап, аларга хуплау сүзләре кулландым. Мисал өчен, “дөрес”, “әйбәт”, “килешәм” сүзләрен кулланырга тырыштым.Укучыларның белем һәм күнекмәләренә дөрес бәя бирү таләпләрен үтәргә тырыштым.