Үшінші сыныпта " Туған күн" атты модуль бар. Бұл модульге он төрт сағат бөлінген. Бұл модульда балалар бір - бірін қазақ тілінде құттықтауға, бір - біріне сыйлықтар ұсынуға, бір -біріне тілектер тілеуге үйренеді. Тек қана бір -бірін ғана емес, сонымен қатар ата - аналарын, туған туыстарын құттықтап, тілектер айтуға жаттығады. Жаңа сөздерді пайдалана отырып, оқушылар сөз тіркесін, сөйлемдер құрайды. Грамматикалық тақырып бойынша тапсырмалар орындай алады. Атап айтқанда сөздерді тәуелдеу. Сабақтың соңында оқушылар қиылған сыйлықтарды жинап, шыққан сөзбен және де жаңа сөздерді пайдаланып сөйлемдер құрастырады.