Мен, Шатанова Зауре Мазыбаевна өз тәрбие жоспарымды сіздердің қоржындарыңызға салып отырмын. Тақырыбы "Тәуелсіздік деп соғады жүрегіміз" деп аталады. Сабақ интернат тәрбиеленушілері арасында өткізілді. Тәрбие сағатымның мақсаты оқушыларға біз тәуелсіз елдің ұрпағы екендігімізді сезіндіру. Сабақ кеш ретінде өткізілді. Сабақ жоспары сапалы деп ойлаймын.Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 23 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Нұрсұлтан Назарбаевтай көреген саясаткердің ерен еңбегін дәл бүгін және әрқашанда айтып өтеміз. 
Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.