"Описание материала:

Уен – кызыксындыру һәм белемгә омтылу утын кабыза торган очкын ул.

Уен баланың шул фән белән кызыксындыруын көчәйтә, дәресне җанландыра, мөстәкыйльлеген, ихтыяр көчен, зирәклеген үстерә, билгеле бер максат куеп эшләргә өйрәтә.

Уйный –уйный белем алганда, телдән үзләштерә торган материал җиңел ныгытыла һәм мавыктыргыч була, укучының күзәтүчәнлеге арта.

Тик әлеге эш төрен оештырганда, укучыларның яшь үзенчәлеген истә тотып, аны дәрестә урынлы куллану мөһим.

5 нче сыйныфта “Фонетика, графика, орфография” темасын үткәндә орфографик уеннар куллануны уңышлы дип саныйм.

Орфографияне өйрәнү нәтиҗәсендә үз фикерен һәрбер кеше тиз аңларлык грамоталы итеп язу дәрәҗәсенә ирешергә тиеш.