Математика өйрәнүнең төп максаты булып укучыларның мөстәкыйль фикер йөртүен, хәтерен яхшырту, дикъкатен арттыру, иҗади уйлануын, күзәтүчәнлеген, логик фикерләвен, интеллектуаль сәләтен ачу һәм математик гамәлләр кыла белү санала. Мин сезгә математикадан дәрестән тыш эшчәнлек түгәрәгенең «Математик уеннар « дигән темага үткәрелгән дәресе эшкәртмәсен тәкъдим итәм. Кече яшьтәге мәктәп балаларының танып – белү эшчәнлеген активлаштыру һәм иҗади сәләтләрен үстерүдә уеннар зур әһәмияткә ия. Дәресләрдә кулланыла торган дидактик сюжетлы – рольле уеннар , шигырь формасында бирелгән мәсьәләләр , табышмаклар, ребуслар укучыларга теманы яхшырак үзләштерергә ярдәм итә. Математика дәресләрендә кулланыла торган уеннар укучыларны мавыктырып кына калмый, ә мөстәкыйльлек, җитезлек, игътибарлылык, тапкырлык кебек сыйфатлар да тәрбияли. Уеннар яңа гына өйрәнгән кагыйдәне аңлауга, алган белемнәрне кабатлауга һәм ныгытуга булыша.