Пәні: Математика

Сыныбы: 1к

Сабақтың тақырыбы: «9 саны және цифры.9 санын таныстыру»

Сабақтың мақсаты:

а)білімділік: 9 саны туралы түсінік беру.9 санын таныстыру.0-ден 9-ға дейін және кері санатып үйрету.

б)дамытушылық: Оқушылардың ой-өрісін, логикалық ойлау жүйелерін дамыту.Есептеу дағдыларын жетілдіру.

в)тәрбиелік: Еңбексүйгіштікке, кішіпейілділікке, қамқорлыққа, жинақылыққа, бірінің ойын бірі тыңдай білуге, сұраққа дұрыс, толық жауап беруге, ұйымшылдыққа, сыйластыққа тәрбиелеу.

Сабақтың түрі: Дәстүрлі.Қалыптасқан.

Сабақтың типі: Жаңа сабақ.

Қолданылатын 

әдіс-тәсілдер: Сұрақ-жауап.

Қолданылатын 

көрнекіліктер: Қарбыздың суреті, алманың суреті, саңырауқұлақтың суреті, қалталы полотно.

Сабақтың барысы:

Кезеңдері:Жүру барысы:   

І.Ұйымдастыру:

ІІ.Жаңа сабақ:

№1

№2

№3

ІІІ.Сергіту сәті:

IV.Дәптермен жұмыс:

V.Сергіту сәті:

№4

№5

VI.Қорытынды:

VІI.Бағалау:

VІIІ. Үйге тапсырма:

Сәлеметсіңдер ме, балалар?

-Орнымызға отырамыз.

-Бүгінгі математика сабағын жүргізетін мен, Сайранбекқызы Шырайлым боламын.

-Қане, балалар 0-ден 8-ге дейін санайықшы.

-Дұрыс.

-Ал енді кері санайық.

-Дұрыс балалар, бүгінгі өтетін санымыз 8-ден кейінгі сан, яғни 8-дің көршісі 9 саны.Олай болса балалар 0-ден 9-ға дейін санайық.Керісінше санайық.

-Балалар, тақтада ілінген суреттен не көріп тұрсыңдар?

-Дұрыс, балалар бұл сағаттың суреті.

-Тағы не көріп тұрмыз?

-Балалар өздері жауап береді.

-Кітаптағы №1 есепке назар аударайық.

-Балалар, менің қолымда неше қарбыз бар қараңдаршы?

-Балалар қолдарыңа сызғыш алып, барлығымыз 0-ден бастап өлшейік.Барлығымыз №2 есептегі түзу сызыққа назар аударайық.

-Неше см екен?

-Балалар 9-дан қандай сандар кіші?

-Ал, балалар, менің қолымда неше алма тұр?Ал екінші қолымда нешеу?

-9, 8

-Қай қолымдағы алма саны көп?

-Қай қолымдағы алма саны кем?

Оң қолымда 5 саусақ,

Сол қолымда 5 саусақ.

5-ке 5-ті қоссақ,

Болады екен 10 саусақ.

-Балалар, дәптерімізді ашып 9 санын үлгі бойынша жазайық.

Тербеледі бұтақтар,

Алдымнан жел еседі.

Кіп-кішкене бұтақтар,

Сыбдыр-сыбдыр етеді.

Салыстыр.Тақтаға шығарту.

-Балалар, 5 есепте бізге белгісіз тұрған сандарды табуымыз керек.Белгісіз сандарды қалталы полотноға саламыз.

-Балалар, бүгін біз не үйрендік?

-Не білдік?

Жақсы белсене қатысқан оқушыларды мадақтап, бағалау.