«Айналайын анашым»

Залдың іші мерекеге арнайы безендірілген. Шарылар, жалаушалар ілінген. Қызғалдақ гүлдері арнайы құмыраларға салынған. Көңілді әуен орындалып, мерекенің сәнін кіргізіп тұр.

Жүргізуші: Қайырлы күн, ақ жаулықты әжелер, аяулы аналар! Қымбатты ұжыммен, балалар.Баршаңызды көктемнің алғашқы күні, 8-наурыз әйелдер мерекесімен шын жүректен құттықтаймыз.Сіздерді «Айналайын анашым» атты ертеңгілігімізді тамашалауға шақырымыз.

Жүргізуші: Көктем келді қуантып,

                    Шаттыққа бөленіп,

                    Ал, балалар келіңдер,       

                   Аналарға ардақтап,

                   Тақпақтар айтайық

І бала:  Мені жақсы көреді,

              Күндей күліп келеді.

              Көп ертегі біледі,

              Маған айтып береді.

ІІ бала:      Ана деген көп шығар,

                    Менің  анамдай жоқ шығар.

                    Мейірімді бұл кісі,          

                    Қандай ғажап күлкісі.

Жүргізуші: Ал, балалар көптен күткен көктем мерекесі бізге қонаққа келді.(Шаттана Көктем жүгіріп топқа кіреді).

Көктем: Сәлеметсіңдер ме балалар!Қонақтар! Сіздерді бүгінгі 8-наурыз мерекесімен құттықтаймын.

Жүргізуші: Ару көктем, сұлу көркем

                   Жақсы болды келгенің

                   Сеніменен өтеді,

                    Бұл мереке көңілді.      

Көктем:    Ақ қар еріп, су көбейіп,

                 Сай-салаға қашады.

                 Ағаш басы бұршік жарып,

                Гүл бәйшешек ашады

                Балалар айтыңдаршы,

                Бұл қай кезде болады?

Балалар: Көктемде.

Жүргізуші: Көктем келді бар ағаш.

                  Жасылданып  жыр шертті.

                  Қараторғай ұшып кеп,

                  Қанатымен нұр септі.

Құс:  Сәлеметсіздер ме, балалар, қонақтар! Алғашқы көктем мерекесі құтты болсын!

Жүргіжуші: Балалар, көктем жалғыз келмепті, ол өз досын алып келді.

Көктем: Иә, балалар менің досым өз өнерін көрсеткілі келді

Би: «Құстар»

Көктем: Балалар, бірінші наурыздан бастап көктем келді, жылғаларға су толды.Құстар ұшып келе бастайды.Сонымен қатар 8-наурыз аналар мерекесі келді.Аналарымызға арнап ән салып берейік.

Ән: «Анашым»

Көктем: Балалар менде сендерге құр келмедім,мен өз ойынымды ала келдім.

Ойын: «Бәйшешек  жинау»

Жүргізуші: Ана біздің күніміз,

                  Ананың біз гүліміз.

                  Бар баланы қуантып,

                 Ұзақ өмір сүріңіз.

Балалар, қане кім аналар туралы мақал-мәтелдер біледі екен?

ІІІ бала: Күнің шуағы жылы,

                 Ананың құшағы жылы.

ІҮ бала : «А» дегенің - ана ғой ,

                    Ана дегенің дана ғой.

Көктем:  Жарайсыңдар, балалар ән айтуды, би бийлеуді жақсы білесіңдер екен. Біздің де достарымыз бен  аналарды, қыздарды, қонақтарды құттықтағымыз келеді.

Құттықтау: Би.( Искандер, Арзигуль)

Жүргізуші: Балалар бүгін тек қана аналардың мерекесі емес, әжелердің де  мерекесі. Әжелерімізге арнап ән айтып берейік.

Ән: «Ақ әжем».

Жүргізуші: Құрметті әжелер, аналар, балабақша ұжымы біз бәріміз сіздерге ұзақ өмір тілейміз.Осымен біздің «Айналайын анашым» атты ертеңгілігіміз аяқталды.

                                        Бижанов ауылы   «Күншуақ» балабақшасы

                                                            Тәрбиеші: М.С. Хамраева