"Зәлидә" уенын төрле класслар белән уйнарга мөмкин, ләкин биремнәр катлауландырыла. Бу уен рус төркемендә укучы балалар өчен тәкъдим ителә. Уенны уздырыр алдыннан укытучы түбәндәге максатларны куя: рус телендә сөйләшүче  балаларның  татарча  сөйләм  телен  активлаштыру; татар халкының культурасы, традицияләре белән таныштыру, искә  төшерү;тел өйрәнүгә кызыксыну уяту. Уенда 7-8 сыйныфның рус төркеме укучылары катнашты. Уенга кирәкле әйберләрне укучылар үзләре әзерлиләр. Класстан тыш чара бик файдалы һәм кызыклы, аны киләчәктә дә дәвам итәргә кирәк.