Сыныппен амандасып,сабақта жоқ оқушыларды түгендеп,яғни ұйымдастырған соң сабақты хабарлап,оқушыларды топқа бөлдім. Алғашқы сабағым болғандықтан топты бөлгенде топты қиыншылықпен бөлдім.Көп уақытым кетті.Яғни сыныпты әрі қарай жұмыс жасау үшін үш  топқа бөлдім.Осы сабақты өтерде Блум таксономиясын қолданып топтық жұмыс жасауды көздедім,себебі жеті модуль бойынша жұмыс істеуде маңыздысы оқушыларға үйрету емес,оларды жұмыс жасауға жетелеу.

   Ұйымдастыру бөлімінде  оқушыларды 4 оқушыдан 3 топқа «Қанталапай» ойыны арқылы әр түрлі асықтамен топқа бөлдім. Топта оқушылардың міндеттерін (лидер ,хатшы,хабарлаушы ,тәлімгер) айтып өттім. Содан кейін оқушыларға  «Мен кіммін» психологиялық тренинг өткізіп, оқушылар біріге отырып  топтың ережесін құрды, оны  «Алтын ереже» деп атады. Ережеде : ауызбіршілік ,  адамгершілік,  әдептілік , тиянақтылық,  жауапкершілік, бірін-бірі сыйлау, тыңдау, уақытты үнемді пайдалану сияқты ережелер  қамтылды.