Тукай - һәр буын тарафыннан тигез хөрмәт ителәчәк шагыйрь. Тукай шәхесе Сибгат Хәким иҗатында, бер яктыртучы-тазартучы илаһи көч буларак, шигырьдән шигырьгә күчә килә. Аның үз “Тукай дәфтәре” бар. Тукай аны гомере буе озата килә. Тукай С. Хәкимгә бик иртә кергән. С. Хәким әсәрләрендә Тукай образы күпләрне дулкынландыра. Хәтта сугышлар да С. Хәкимне Тукайдан биздерә алмаган. Татарда Тукай туганы өчен ул бик куана.

С. Хәким “Шагыйрь кем?” дигән сорауга җавапны 73 яшенә җиткәндә Тукайдан таба. Тукай анда үзенең милли рухы белән яши. Шул аны яздыра, шул эчке энергиягә әйләндерә. С. Хәким икенче заманда яшәсә дә, дөньяга ике катлы тәрәзә аша карап яшәгән - Тукай аша. Ул Тукайдан беркайчан да аерылырга теләми. С. Хәким поэзиясендә иң күп очрый торган һәм аның өчен иң кадерле булган бер исем бар. Ул – Габдулла Тукай исеме.